UZ

Сўнгги янгиликлар

08:17Sofascore. Захирадан майдонга тушган Ўрибоев энг катта баҳолардан бирини олди  0 07:52"CAFA Nations Cup-2025" . Қўшниларимиз ўзаро дуранг ўйнаган учрашувдан ФОТОГАЛEРEЯ  0 07:25"Ал Иттиҳод" мавсумни йирик ғалаба билан бошлади. Бенземадан хет-трик  0 02:31Ла Лига. "Реал" ўз уйида икки дақиқада 2 та гол уриб, "Мальорка"ни мағлуб этди  25 02:25А Серия. "Наполи" ва "Рома"да минимал ғалаба, "Аталанта" Пармада дуранг қайд этди  1 02:20Лига 1. "Тулуза" ва ПСЖ ўртасидаги ўйинда 9 та гол урилди  1 02:16Туркия Суперлигаси. "Ризеспор" Истанбулда "Галатасарой"га мағлуб бўлди, Алиқулов 73 дақиқа ўйнади  4 01:05Бундеслига. "Аугсбург" ва "Бавария" ўртасидаги ўйинда 5 та гол урилди  4 01:01Карлуш Кейруш: "Очиғини айтаман, бугун ғалаба қозонишимиз керак эди"  17 00:30Кападзе: "Кечирасизлар, лекин интернетда ёзилаётган нарсалар барчага таъсир қилмоқда"  47 23:35Бельгия Про лигаси. "Антверпен" меҳмонда мағлубиятга учради, Ўринбоев захирадан ўйинга қўшилди  1 22:37Гарначо 40 млн фунт эвазига янги клубига ўтди  7 22:11Ла Лига. "Атлетико" бу сафар "Алавес"ни юта олмади. Симеоне жамоаси уч ўйинда 2 очко жамғарди  2 22:09Ровшан Мередов: "Бундай турнирлар орқали нималар қўшишимиз кераклигини кўриб оляпмиз"  8 22:00Қирғизистон бош мураббийи: "Майдон ҳолати сифатли футбол кўрсатишга йўл қўймади"  7

Ботирали Эргашев - "Насаф" билан ўйин, Эшбўтаевнинг хатоси, самарқандлик мухлисларга тилаги ҳақида Янгиликлар

Ботирали Эргашев - "Насаф" билан ўйин, Эшбўтаевнинг хатоси, самарқандлик мухлисларга тилаги ҳақида

Суперлигага қайтган Самарқанднинг "Динамо" клуби мавсумни ўз майдонида "Насаф"га қарши ўйин билан бошлади.

Мазкур учрашувнинг иккинчи бўлимида мезбонлар сафида Ботирали Эргашев майдонга тушди. "Пахтакор" клуби томонидан ижрага берилган дарвозабон билан илк ўйин борасида суҳбатлашдик.

- Суперлиганинг 1-турида "Насаф" билан 1:1 ҳисобида дуранг қайд этилди. Ўша ўйин ҳақида нималар дея оласиз?

- "Насаф" билан ўйинда менимча бироз ҳаяжон бўлди. Биринчи таймда ҳаяжонни енгиб ўтдик ва иккинчи таймда ўйинимиз яхши чиқди.

- Биринчи таймда Эшбўтаев кутилмаган гол ўтказиб юборди. Дарвозабон сифатида ўша вазиятга изоҳ берсангиз.

- Эътиборсизлик оқибатида гол қўйиб юбордик деб ўйлайман. Шоҳруҳ Эшбўтаев менинг жамоадошим, ҳамкасбим. У хатони мен ҳам қилишим мумкин эди. Шоҳруҳни қўллаб-қувватлайман. Ўша вазиятда рақиблар жарима тўпини тез амалга оширишди ва узоқдан зарба берилди. Жарима майдони ичида футболчи жуда кўп эди ва тўп қаердан келаётганини Шоҳруҳ кўрмай қолган бўлиши мумкин.



- Адашмасам "Динамо"га жуда кеч қўшилдингиз...

- "Динамо"га "Насаф" билан ўйинга икки кун қолганида келиб қўшилдим. Шу боис бирнчи турда асосий таркибда майдонга тушмаслигимни жуда яхши билардим. Эшбўтаев ўтган йилдан буён "Динамо"да ўйнаб келмоқда. Жамоада соғлом рақобат бор. Машғулотларда футболчилар майдонга тушиш учун кураш олиб боришади.

- Ўтган йил "Навбаҳор"да, бу йил "Динамо"да ижарадасиз. "Пахтакор"дан хафа эмасмисиз?

- Буни тўғри тушуниш керак. "Пахтакор"да рақобат жуда ҳам кучли. Бу ерда Ўзбекистоннинг энг кучли дарвозабонлар бор. Уларга етиб олишим учун анча бор. Суюнов, Қувватов билан бирга машғулот ўтказганимдан фахрланаман. Нестеров, Лобанов, Суюновнинг ўйинларини ёшлигимдан кузатиб келардим ва уларга ҳавас қилардим. Энди улар билан бирга ўйнаяпман.

- 2-турни "Динамо" "Сурхон"га қарши ўтказади. Бу ўйиндан нима кутаяпсиз?

- Яхши ўйин бўлади. Чунки икки дебютант жамоа ҳам ўзини кўрсатишга уринади. Суперлигага муносиб эканлигини исботлашга уринамиз. Қисқасини айтганда майдонда "жанг" бўлади.



- Самарқандлик мухлисларга айтар сўзингиз...

- Самарқандлик мухлислар катта футболни соғиниб қолишган. Буни илк турда гувоҳи бўлдик. Ўйинларга чорлаб қоламиз. Стадионга қанча кўп мухлислар келишса, биз шунча кўп куч билан ўйнаймиз.


Нарзулла Сайдуллаев суҳбатлашди

Рейтинг: +17   

Фикрлар

championat.asia
< сўнгги янгиликларни кўриш
Яндекс.Метрика