Болалар футболига қанот ҳакамлари керак
23 сен 2014 15:32
Янгиликлар
Болалар футболига қанот ҳакамлари керак
Яқин бир ойдан бери Тошкентда бўлиб ўтаётган болалар-ўсмирлар чемпионатининг баъзи учрашувларини кузатиб келмоқдаман.
Тошкент шаҳар болалар-ўсмирлар ўртасидаги футбол чемпионатида 1998 йилдан тортиб 2003 йилда туғилган футболчилар иштирок этишади. Ҳар бир ёш тоифасидаги мусобақада 16та жамоа иштирок этади. Лекин мен шу пайтгача нечта ўйинни кузатган бўлсам, бирортасида қанот ҳакамлари ишлаганини кўрмадим.
Бунда фақат битта ҳакам ўйинларни бошқармоқда. Тўғри, ёш болалар асосан майдоннинг ярмида тўп тепишаётгани учун қанот ҳакамларисиз ҳам ўйинни бошқарса бўлади, бироқ 1998, 1999 ва 2000 йилда туғилган футболчилар ўртасидаги баҳсларда фақат бир ҳакамнинг ишлаши ғалти бўляпти. Биласиз, 2000 йилда туғилган фтуболчилар бир йилдан сўнг ўсмирлар терма жамоамизга номзод бўлишади. Шундай экан, ҳозирданоқ уларни замонавий футболга ўргатиб борган маъқул.
Ўйинларни кузатар эканман, кўпинча бош ҳакамлар ён чизиқда ёрдамчилари бўлмаганидан кейин қарор чиқаришда қийналиб қолишаётганига гувоҳ бўлдим. Қашқадарёда болалар ўртасидаги турнирларда қанот ҳакамларининг ҳам ишлашини кўп бор кўргандим, аммо Тошкент пойтахт бўлатуриб фақат битта ҳакамнинг кун давомида уч-тўртта ўйинни бошқаришини қандай қабул қилиш мумкин ҳайронмиз.
Тошкентда ҳакамлар мактабига асос солинган. Бу ердан кўплаб ёш ҳакамлар етишиб чиқмоқда, уларни айнан мана шундай болалар иштирокидаги ўйинларда пишитиб борган маъқул эмасми? Маълумки, ўйиндан ташқари ҳолат бўлган-бўлмаганини аниқлаш бош ҳакамга қийинчилик туғдиради, шунда у қарор чиқаришда ўз ёрдамчиларига юзланади. Лекин футбол мусобақаси пайти майдонда қанот ҳаками бўлмаганидан кейин бош ҳакамнинг бир ўзи нима қилсин? Хуллас, болалар ва ўсмирлар ўртасидаги беллашувларда манна шундай муаммо юзага келган ва ўйлаймизки, Тошкент шаҳар футбол федерацияси бу муаммони ҳал этиш устида керакли чораларни кўради.
Хайрулла Холиқов.
Бунда фақат битта ҳакам ўйинларни бошқармоқда. Тўғри, ёш болалар асосан майдоннинг ярмида тўп тепишаётгани учун қанот ҳакамларисиз ҳам ўйинни бошқарса бўлади, бироқ 1998, 1999 ва 2000 йилда туғилган футболчилар ўртасидаги баҳсларда фақат бир ҳакамнинг ишлаши ғалти бўляпти. Биласиз, 2000 йилда туғилган фтуболчилар бир йилдан сўнг ўсмирлар терма жамоамизга номзод бўлишади. Шундай экан, ҳозирданоқ уларни замонавий футболга ўргатиб борган маъқул.
Ўйинларни кузатар эканман, кўпинча бош ҳакамлар ён чизиқда ёрдамчилари бўлмаганидан кейин қарор чиқаришда қийналиб қолишаётганига гувоҳ бўлдим. Қашқадарёда болалар ўртасидаги турнирларда қанот ҳакамларининг ҳам ишлашини кўп бор кўргандим, аммо Тошкент пойтахт бўлатуриб фақат битта ҳакамнинг кун давомида уч-тўртта ўйинни бошқаришини қандай қабул қилиш мумкин ҳайронмиз.
Тошкентда ҳакамлар мактабига асос солинган. Бу ердан кўплаб ёш ҳакамлар етишиб чиқмоқда, уларни айнан мана шундай болалар иштирокидаги ўйинларда пишитиб борган маъқул эмасми? Маълумки, ўйиндан ташқари ҳолат бўлган-бўлмаганини аниқлаш бош ҳакамга қийинчилик туғдиради, шунда у қарор чиқаришда ўз ёрдамчиларига юзланади. Лекин футбол мусобақаси пайти майдонда қанот ҳаками бўлмаганидан кейин бош ҳакамнинг бир ўзи нима қилсин? Хуллас, болалар ва ўсмирлар ўртасидаги беллашувларда манна шундай муаммо юзага келган ва ўйлаймизки, Тошкент шаҳар футбол федерацияси бу муаммони ҳал этиш устида керакли чораларни кўради.
Хайрулла Холиқов.
championat.asia
Тимур Кападзе: "Атрофдаги воқеалардан жуда чарчадим"
Славен Билич Ўзбекистон терма жамоаси бош мураббийига айланиши мумкин
Суперлига. "Насаф" "Бухоро"ни йирик ҳисобда мағлуб этди
“Бу оптимал таркиб эмас. Ҳакам қарорлари тўғри эди, мағлубиятни тан ола билиш ҳам керак" — Санъат Шихов Эрон билан ўйин ҳақида
Фикрлар