Бобур Юлдашев: “Шу даражага чиқишимда Вадим Абрамовнинг хизматлари катта”

Мазкур баҳсдан сўнг, дарвозага киритилган иккинчи гол муаллифи Бобур Юлдашевни суҳбатга чорладик.

- “Бунёдкор” билан кечган учрашув ҳақида фикр мулоҳазаларингиз билан ўртоқлашсангиз...
- Пойтахт жамоаси билан ўйин осон кечмаслигини олдиндан билардик. Тайёргарлик ҳам шунга яраша бўлганди. Биринчи бўлимда урган голларимиз бизга устунлик ва бироз хотиржамлик берди. Барибир якунда ўзимиз учун керакли натижага эришдик.

- АГМК умумий ҳисобда учинчи маротаба “қалдирғочлар” дан уч очко тортиб олишни уддасидан чиқди...Нима деб ўйлайсиз рақиб сизларга етарлича қаршилик кўрсатдими?
- Бу – футбол! Унда кимдир ютади ёки ютқазади. Улар иккинчи бўлимда, ҳисобдаги фарқни тенглаштириш учун катта куч билан олдинга ўтишди.

- Умуман пойтахт жамоалари билан кечадиган учрашувларнинг қизиқарли тус олишини боиси нимада?
- Кучли клубларга қарши ўйинлар нимаси билан қизиқ? Менимча уларга қарши ўйинга ҳозирлик ҳам жиддий бўлади. Шунингдек пойтахт клублари ҳужумкор ва очиқ футбол таклиф қилишади.

- Вадим Абрамов билан аввал ҳам бирга ишлагансиз. Унинг услуби ва қарашларидан хабардорсиз. Сизнингча унинг жамоасига нима етишмаяпти?
- Мени шу даражага чиқишимда Вадим Карленовичнинг хизматлари катта. Балки терма жамоага мураббий этиб тайинлагани жамоага таъсир қилаётган бўлиши мумкин. Яна билмадим.

Абдулазиз суҳбатлашди