Биринчи лига. "Истиқлол" - "УзДонгЖу" (2:0) ўйини ҳақида

Очиғи учрашув темпи у даражада юқори бўлди деб айтиб бўлмайди. Биринчи голга қадар жамоалар дарвоза олдида айтарли вазиятлар ярата олишмади. "УзДонгЖу" ҳам бир нечта голга тортадиган вазиятлар ярата олишди. Аммо улардан фойдалана олишмади, футбол шуниси билан хам қизиқда.

"Истиқлол" ўйин аввалидан тезкор гол уришга ҳаракат қилди. Аммо буни уддалай олишмади. Ҳужумда зерикиб қолган Ҳошим Шокиров 34-дақиқада марказда тўпни эгаллади ва рақиб томон ўзи ёлғиз хужумга ўтди. Шокировни жарима майдони ичида йиқитиб тўхтатиб  қолишди. Тўхтатиб қолишмаса хам бўлмасдида, ахир бутун бир жамоани Шокировни ўзи алдаб гол урганида "УзДонгЖу" вакилларига уят бўлар эди. Бу вазиятда эса хакам пеналти белгилади. Абдухолиқ Қурбонов эса 11-метрлик зарбани йўққа чиқаришни хоҳламади 1:0.

Иккинчи бўлим 64-дақиқаси Усмон Асқаралиев Шоҳруҳ Бойқўзиевни алмаштириш тараддудида эди. Бундан хабар топган Шоҳруҳ ўйиндан голсиз чиқиб кетишни истамади. Чап қанот химоясида ишончли харакатланадиган ва хужумларга бошқаларга қараганда кўпроқ қўшилиб турадиган Худоберди Холиқов чап қанотдан олдинга борди ва жарима майдонига тўпни қулай қилиб етказиб берди ва Бойқўзиев дарвозага тўпни тўғирлаб қўйди 2:0. Менимча мураббий Шоҳруҳни ўйиндан олиб ташлайман деб қўрқитиб турса кўплаб гол уришга қодир. Лекин қарор қабул қилиниб бўлганди. Шоҳруҳ Бойқўзиев гол урдию, тўғри бориб захирадаги ўриндиғига бориб ўтирди. Унинг ўрнига Даврон Қорабоев туширилди.

Бу голдан кейин айтарли қизиқ воқеа содир бўлмади. Мухлисларга фақат сухандоннинг гаплари қизиқроқ туюларди. Сабаби Андижондаги жанг қандай бўлаётгани томошабинларни қизиқишини тобора ошириб борар эди. "Истиқлол" мухлисларини кўнгли анча тўлди "Цеменчи"дан йирик ғалаба!

Жамоа энди барча ўйинларни ғалаба билан якунласа, "Андижон" эса бор йўғи бир ўйинда қоқилса «Олий лига» эшиклари "Истиқлол" учун очиқ. Буни эса яна қолган 4 турдан сўнг билиб оламиз.


"Истиқлол" матбуот котиби Беҳруз Холиков тайёрлади.