Бахтиёр Ашурматов: "Расман истеъфога чиқдим"
28 сен 2013 19:48
Янгиликлар

Бахтиёр Ашурматов: "Расман истеъфога чиқдим"

Олий лиганинг 20-туридан ўрин олган "Шўртан" - "Гулистон" (3:0) учрашувидан сўнг бўлиб ўтган матбуот анжуманида дастлаб меҳмонлар устози Бахтиёр Ашурматов иштирок этди.

"Шўртан"ни ғалаба билан табриклайман. Рақиб жуда яхши ўйин намойиш этиб уч очкога эга бўлди. Бугунги мағлубият учун мухлислардан узр сўрайман. Бу мағлубиятда асосий айбдор ўзимман, таркиб танлашда ва ўйинчиларни баҳсга тайёрлашда хатога йўл қўйдим", - деб гап бошлади Ашурматов.

"Жамоада яхши футболчилар йиғилган. футболчилар олий лигага муносиб. Лекин клуб ҳеч кимга керак эмас. Ҳозир "Гулистон"ни оғир аҳволда ётган беморга ўхшатаяпман. Мен "шифокор" сифатида қўлимдан келган ёрдамни қилдим, аммо бир ўзим ҳеч нима қила олмадим".

"Аслида мағлубиятларда айб менда ҳам бор, ҳали тажрибам кам. Ўз устимда янада кўпроқ ишлашим керак экан".

"Юқоридаги сабаблар билан расман истеъфога чиқдим. Бор кучим билан ҳаракат қилдим, иккинчи даврада вазият ўзгаришига умид қилгандим. Бугунги кунга қадар бизга ёрдам қўлини чўзадиганлар топилади деб кутдим, аммо бундай бўлмади ва мен истеъфога чиқишга қарор қилдим".

"Шўртан" клуби матбуот хизмати.

Ҳавола :

Манба : championat.asia

Янгиликларни Телеграмда ўқинг!

Рейтинг: