UZ

Сўнгги янгиликлар

18:57"CAFA Nations Cup-2025". Қирғиз Республикаси ва Туркманистон ўзаро дуранг ўйнади  19 18:52Ўзбекистон — Ўмон. Таркиблар маълум  6 18:23"Тоттенхэм" — "Борнмут" ва МЮ — "Бёрнли" ўйинлари учун таркиблар маълум  1 18:19"Ал Наср" — "Ал Батаэҳ". Ғаниев Лига кубоги учун ўйинда асосий таркибда  2 17:52"Ньюкасл" 85+5 млн евро эвазига ҳужумчи харид қилди?!  7 16:53EЧЛ умумий босқичи тақвими: ўйинлар 16 сентябрдан 28 январгача бўлиб ўтади. "Реал" "Атлетико" билан дербидан 2 кун ўтиб, 30 сентябрь куни "Қайрат" меҳмони бўлади  10 15:37"Челси" — "Фулхэм". Таркиблар маълум  11 15:2240 ёшли Роналду Португалия терма жамоасига чақирилди. Бруно, Феликс, Витинья, Далот ҳам рўйхатда  1 14:48Катта футболга йўл очувчи мусобақа — УЕФА Ёшлар Лигаси: "Қайрат" илк бор ЕЧЛда қатнашади  3 14:41Расман: Нкунку "Челси"дан "Милан"га ўтди  1 14:12"Байер" 30 миллион евролик трансферни амалга оширмоқда  0 13:31"Бавария" Жексонни 65 млн еврога сотиб олиш ҳуқуқи билан 15 млн еврога ижарага олади. Мюнхенликлар "Челси" билан келишиб олди  3 12:45Ўзбекистон терма жамоаси октябрь ойида Малайзияда Уругвай билан ўйнайди   14 12:38"Боруссия" футболчисини 52 млн еврога сотмади  0 12:20Жоэль Кожо нима учун "Динамо"га эмас, "Нефтчи"га ўтганини сабабини айтди  9

Бахтиёр Ашурматов: "Бугун ғалабага осонликча эришганимиз йўқ" Янгиликлар

Бахтиёр Ашурматов: "Бугун ғалабага осонликча эришганимиз йўқ"

Coca-Cola Суперлигасининг 16-туридан ўрин олган "Қўқон-1912" - "Сурхон" (2:0) учрашувидан сўнг мезбонлар бош мураббийи Бахтиёр Ашурматов матбуот анжуманида иштирок этди.





- Авваламбор, Ўзбекистон халқини Мустақиллигимизнинг 30 йиллик байрами билан табриклайман. Юртимиз тинч ва фаровон бўлсин. "Сурхон" сўнги учрашувларда яхши ўйин намойиш этаётган эди. Баҳром Ҳайдаров жамоани ўйинларга яхши тайёрлаб келаётганди. Улар охирги учта ўйинда ғалаба қозонишди. Бу бизни бир оз хавотирда ушлаб турганди. Яна бир томони, бизда босим бор, яъни уйдаги ўйинларда ғалаба қозона олмаётган эдик. 

"Қўқон-1912" аввалдан ўз майдонида курашувчан ўйин намойиш этиб келган. Афсуски, биз жорий мавсумда ўз уйимизда қимматли очколарни бой бердик. Шу сабабли бугунги ўйинда очко йўқотишга ҳаққимиз йўқ эди. Йигитлар буни тушунган ҳолда бугун майдонга тушди. Мурод Холмуҳаммедов ҳақиқий етакчи. Унинг майдонда ва майдондан ташқарида жамоамиздаги ўрни жуда муҳим. Бугун ғалабага осонликча эришмадик. Мухлисларимизни, жамоамиз раҳбариятини ва барча жамоамиз аъзоларини уйдаги биринчи ғалабамиз билан табриклайман. 

- Бугун жамоангиз икки нафар ҳужумчи билан ҳаракат қилган бўлса ҳам вазиятлардан фойдаланиш самадорлиги юқори бўлмади. Буни қандай изоҳлайсиз?

- Биз бугун кўплаб вазиятлар яратдик. Масалан 2:0 дан кейин ҳам Суҳроб Бердиев ва Асадбек Собиржоновларда гол киритиш вазиятлар бўлди. Биз учинчи ва тўртинчи голларни киритганимизда хотиржамроқ бўлардик. Лекин иккита гол ва дарвозамиз дахлсизлигини сақлаб қола олганимиз ёмон натижа эмас деб ўйлайман. Энг асосийси, вазиятларни борлиги деб ҳисоблайман.

- Кейинги ўйинга қадар 15 кун вақт бор экан. Бу жамоанинг жисмоний имкониятларига таъсир қилмайдими? 

- 15 кунлик танаффус барча жамоаларга бирдек таъсир қилади. Олдинда ФИФА кунлари бор. Бу олдиндан кўриб чиқилган вазият. Бу навбатдаги турда "Бунёдкор" билан кечадиган ўйинга таъсир қилмайди. Биз футболчиларга байрамолди тўрт кунлик танаффус берамиз. Шундан сўнг Тошкент шаҳрида йиғилиб тайёргарлигимизни давом эттирамиз. "Бунёдкор" билан ўйинга қадар режамизда битта ўртоқлик учрашуви бор.

Охирги ўйинларда бизда жароҳатлар кўпайиб кетганди. Мурод Холмуҳаммедов, Иван Йосович, Ҳамидулло Абдуҳамидовлар жароҳат олишганди. Уларда жароҳат туфайли ўйинларга тайёргарлик кўриш учун кам фурсат бўлаяпти. Шунингдек, дарвозабонимиз Музаффар Абдуллаев ҳам жароҳат олди. 

 - Ўйиннинг 17:00 да бошланиши қийинчилик туғдирмадими?

- Очиғи, ўйиннинг 17:00 да бошланганидан кўра мухлисларимиз стадионда бўлмагани мени ташвишга солди. Ўйлайманки, тез кунларда мухлислар стадионга қайтарилади, бунга умид қиламиз. Ҳозир об-ҳаво салқинлаб қолди, кейинги тур сентябрда ўтади. Ўйинларнинг вақтлироқ бошлангани мухлислар учун ҳам қулай. Чунки сентябрь ойида 20:00 даги вақт анча совуқ бўлади. Ҳар икки жамоа бир хил шароитда ўйнади. Ўйинимиз чиқмаса ёки ютқазсак иссиқ сабаб ёки ўйин вақтини нотўғри экани туфайли ютқаздик деб баҳона қилмаслигимиз керак. Ҳар қандай холатда ҳам жамоани ўйинларга муносиб тайёрлашга ҳаракат қилишимиз керак.

Рейтинг: +4   

Фикрлар

championat.asia
< сўнгги янгиликларни кўриш
Яндекс.Метрика