"Барселона" "Челси"нинг икки ўйинчисини ижарага олмоқчи

"Кўк-анорранглилар" шорт-листида "Челси"нинг икки футболчиси бор. Каталонияликлар Тимо Вернер ва Хаким Зиеш билан шартнома имзолашмоқчи.

"Барса" раҳбарияти икки ўйинчини кейинчалик харид қилиш ҳуқуқи билан мавсум сўнггига қадар ижарага олишни режалаштирмоқда.

Каталония клуби Ансу Фатининг доимий жароҳати, шунингдек Серхио Агуэронинг муаммоси сабаб ҳужумда доимий ўйинчилар етишмовчилигини ҳис қилмоқда. Нидерландиялик Люк де Йонг эса янги мураббийлар штабининг ўйин концепциясига тўғри келмайди.