Балотелли А Серияга қайтиши мумкин. Маълумотни унинг клубидагилар ҳам тасдиқлади

"Tutto Salernitana"нинг хабар беришича, клубдаги манбалар чиндан футболчи трансфери амалга ошиши мумкинлигини тасдиқлашди. Бироқ жиддий музокаралар ҳақида гапиришга вақтли эканлигини ҳам қўшиб қўйишди. Таъкидланишича, футболчи таниш-билишларни ишга солиб, хизматларини италияликларга таклиф қилган. Бунинг учун Марио июнгача шартномага ва максимал даражада кам маошга ҳам розилигини билдирган.

Балотеллининг Италиядаги охирги клуби "Монца" бўлиб, у жамоани 2021 йил июль ойида тарк этганди.