Баҳодир Аҳмедов: "Эртага фақат ғалаба учун ўйнаймиз. Баҳсга ЖЧ-2016га борганларни ҳам чақирдик"

Ушбу учрашув ўзбек футболи ва спорти ривожига катта ҳисса қўшган инсон Мираброр Усмонов хотирасига бағишлаб ўтказилади. Ана шу ўйин олдидан футзалчиларимиз бош мураббийи Баҳодир Аҳмедовнинг фикрлари билан ўртоқлашдик.

"Эртанги ўйинда ғалаба учун тўп тепамиз, кураш бўлади. Бу ўйинга мухлисларга таниш номларни чақирдик. 2016 йилги мундиалга борган футзалчиларимиздан ҳам таклиф қилдик. Масалан: Артур Юнусов, Дилшод Ирсалиев, Фарҳод Абдумавлонов, Константин Свиридов. Уларга қўшимча ҳозирги терма жамоадаги ўйинчиларимиздан ҳам йигитлар бор.

Хуллас, эртага аренага ташриф буюрган мухлислар чиройли ва ҳаққоний ўйин гувоҳи бўлишади. Вақт тўхтамайди, 20 дақиқадан иккита бўлим ўйналади", - деди Аҳмедов.

Эслатиб ўтамиз, 24 февраль куни бўлиб ўтадиган учрашувга кириш бепул. Баҳс пойтахтимиздаги "Ўзбекистон" спорт мажмуасида бўлиб ўтади ва 18:00да старт олади.

Вадим Абрамов: "Футзалчилар билан шоу бўлмайди, олдинги мағлубият учун реванш олмоқчимиз"