Азиз Тўхтабоев: “Ўйин тугашиа 10 сония қолганида гол ўтказиб, ғалабани бой берганимиз аламли бўлди”
27 ноя 2019 20:34
Янгиликлар

Азиз Тўхтабоев: “Ўйин тугашиа 10 сония қолганида гол ўтказиб, ғалабани бой берганимиз аламли бўлди”

Coca Cola суперлига 25-тур доирасидаги "Андижон" - "Қўқон-1912" учрашувидан кейинги матбуот анжуманининг биринчи қисмида “Қўқон-1912” жамоаси бош мураббийи Азиз Тўхтабоев қатнашди

- Аввало шуни айтишни истардимки , бугунги ўйин ҳақиқий "дерби"га хос , жанговор тарзда бўлиб ўтди. Учрашув тугашига 10 сония қолганида гол ўтказиб юбориб, ғалабани бой берганимиз аламли бўлди. Барча "водий дерби"лари мана шундай жанговор курашларга бой тарзда ўтади.

Ўйин давомида кўплаб голли вазиятлардан фойдалана олмадик. Баъзи ҳолларда майдон ҳолати ҳам ҳужумчиларимизга ҳалақит қилди. Ўтган ёмғирлардан сўнг майдон ўз текислигини бирмунча йўқотган. Суҳроб Бердиев ёки Отабек Ҳайдаровда бўлган вазиятлар бунга мисол бўла олади.

Сўнгги турда "Навбаҳор" билан ўз майдонимизда яна бир "дерби"да майдонга тушамиз. Биз бу учрашувга астойдил тайёргарлик кўриб , мухлисларимизни хурсанд қилмоқчимиз. Мавсумни яхши кайфиятда якунлашни истаймиз.