Азиз Алижонов "Нефтчи"га қайтди
13 июл 2022 22:50
Янгиликлар

Азиз Алижонов "Нефтчи"га қайтди

Ўтган йили "Нефтчи"нинг 18 ёшгача бўлган жамоасини мамлакат чемпионига айлантирган мураббий Азиз Алижонов яна Фарғона клубига қайтди.

Биринчи давра мобайнида "Бунёдкор" асосий жамоа мураббийлар штабида ўзгаришлар юз берганди: Шуҳрат Мақсудов истеъфога чиқарилгач, жамоанинг ёшлар таркиби билан ишлаётган Виктор Карпенко асосий жамоани қабул қилиб олганди. Давралар оралиғида эса "Бунёдкор" U-21 жамоаси бош мураббийи ҳам ўзгарди: Абдуҳамид Қодиров ўрнига Иван Бошкович.

Балки ёшлар жамоасининг мураббийлар штаби ўзгаргани сабабли дастлабки даврада Абдуҳамид Қодировга ёрдам берган Азиз Алижонов ҳам жамоадан кетгандир. Иккинчи даврадан у "Нефтчи" U-21 жамоаси бош мураббийи сифатида ишлайди.

Айни дамда "Нефтчи" ёшлар жамоасида ишлар яхши эмас: 13 ўйинда атиги 2 ғалаба қайд этган жамоа 5 марта дуранг ўйнаб, 6 марта мағлуб бўлди. Айни дамда "Нефтчи" U-21 чемпионати турнир жадвалида 13-ўринда бормоқда.

Ҳавола :

Манба : championat.asia

Янгиликларни Телеграмда ўқинг!

Рейтинг: +14