Азамат Абдуллаев: “Мухлислар ҳам мени “Нефтчи”да қолишимни исташади”

Айтиш керакки, Абдуллаев 2019 йилдан буён фаолиятини қўшни мамлакатда ўтказмоқда. Қирғизистон кубогидаги ғалабадан сўнг Азамат билан суҳбатлашдик.

Кубокдаги ғалаба тўғрисида

- Мавсум аввалида раҳбарият клубга ОФК кубогига йўлланма олиш вазифасини белгилаб берганди. Шу вазифа йўлида кубок баҳсларига катта эътибор қаратдик. Финалда жуда қийин ўйин ўтказиб, муваффақиятга эришдик. “Нефтчи” келгуси мавсумда ОФК кубогида иштирок этиш ҳуқуқига эга бўлди.

“Нефтчи”даги фаолияти хусусида

- Бу жамоада 2019 йилдан буён тўп тепмоқдаман. Клуб раҳбарияти менга барча шароитларни яратиб берган, ўзимни бу ерда жуда эркин ҳис қиламан. Қолаверса, мухлисларнинг ҳам менга бўлган ишончи юқори. Клубда қолишмни исташади. Шу жиҳатлари билан “Нефтчи”да тўп тепмоқдаман.

Ўзбекистон клубларидан таклифлар борасида

- Тўғриси, охирги 3 йил давомида Суперлига клубларидан менга умуман таклиф бўлгани йўқ. Ҳар йили Про-лига клубларидан алоқага чиқишади. Шунингдек, менга Тожикистон ва Қирғизистон жамоаларидан таклифлар бўлди.

Келгусидаги режалари тўғрисида

- Агар мен “Нефтчи”дан ҳам яхшироқ таклиф олмасам, балки шу ерда қолишим мумкин. Ҳозирда агентлар томонидан бир нечта жамоалардан қизиқиш борлиги айтилмоқда. Жиддий таклиф бўлса, шунда ҳаммасини ўйлаб кўриб, бир қарорга келаман. Ҳозирча келажагим хусусида ҳеч нарса айта олмайман.