"Атлетико" агар шартномани узайтирмаса, Де Паулни сотиб юбориши мумкин. Аргентиналик футболчига АПЛ ва А Серия клублари қизиқиш билдирмоқда

Аргентиналик футболчининг мадридликлар билан келишуви 2026 йилнинг 30 июнида якунига этади. Агар футболчи уни узайтирмаса, ёзги трансферлар ойнаси клуб унинг ортидан сўнгги бор молиявий фойда олиши мумкин бўлади.

Бир қатор гранд клублар Де Паулни ёзги трансферлар рўйхатига киритган. Хусусан, Родригони Италия ва АПЛда кузатишмоқда. "Вест Хэм" январда аллақачон мадридликларга таклиф билан чиққан, аммо рад жавобини олганди.

Айни дамда "Атлетико" тахминан 30 млн еврога баҳоланаётган футболчига сарфланган маблағни қоплаш керакми ёки унга умид қилишда давом этиш керакми, деган масалада аниқ позицияга эга эмас.

Де Пауль жорий мавсум Ла Лигада 27 та ўйинда майдонга тушиб, 3 та гол урди ва 3 та голли узатмани амалга оширди.