Асрор Алиқулов: “Машъал” кучли характер эвазига ғалаба қозонди”

“Бугунги ўйинда кўп нарса ўзимизга боғлиқ эди. Тайёргарлик жараёнида “Дўстлик” жамоасига қарши ҳушёрроқ туриш лозимлигини уқтиргандик. Жадвалдаги ўрнига қараб эмас, бугун намойиш этаётган ўйинига қараб ҳаракат қилиш кераклигини айтиб ўтгандик. Қарши ҳужумларни ушлаш ва рақибни жазолаш режамиз бор эди. Бугун хатоларга ҳам йўл қўйдик, ҳисобда олдинга чиқиб олган бўлсак ҳам кейинчалик гол ўтказиб юбордик. Сўнги дақиқаларда меҳнатларимиз самараси эвазига гол уриб, ғалабани илиб кетдик. Ўйиндан қониқиш ҳосил қилмадик, футболчиларнинг йўл қўйган хатоларини учрашув видеосини кўриб чиқиб, таҳлил қиламиз” - дейди муборакликлар устози.