Артём Филипосян: “Таиланд клуби маошимизни қисқартириб ташлагани боис келишувни бекор қилдим”
03 янв 2022 19:09
Янгиликлар

Артём Филипосян: “Таиланд клуби маошимизни қисқартириб ташлагани боис келишувни бекор қилдим”

Теглар : Артём Филипосян Муангкан Юнайтед

Тажрибали ҳимоячи Артём Филипосян Таиланд 2-лигаси иштирокчиси “Муангкан Юнайтед” шарафини ҳимоя қилди. Яқинда футболчи юртимизга қайтиб келди.

Шундан сўнг у билан суҳбатлашдик.

- Декабрь ойи бошида юртимизга қайтиб келдим. Ҳозирда оилам даврасида дам олмоқдаман. Эндиликда ўзим якка тартибда машғулотларни бошлаб юбордим. Таиланд клуби билан шартномам ўзаро келишган ҳолда бекор қилдим. Чунки Таиландда пандемия бошланаётгани боис, “Муангкан Юнайтед” раҳбарияти маошимизнинг 50 фоизгача қисқартирмоқчи бўлди. Албатта, бунга рози бўлганимиз йўқ. Натижада, шартномани бекор қилдик.

Бу вақт оралиғида Таиланднинг икки клубидан ҳам таклиф келиб тушди. Бироқ улар ҳам маошимизни қисқартирган ҳолда ва 6 ойлик шартнома таклиф билан чиқди. Уйга қайтишни афзал билган ҳолда уйга қайтдим.

“Бухоро”дан таклиф борасида? Аниқ таклиф бўлгани йўқ. Фақатгина, оғзаки ҳолда гаплашмоқдамиз. Нима бўлишини вақт кўрсатади. Тез орада якуний бир қарорга келаман.

Ҳавола :

Манба : championat.asia

Янгиликларни Телеграмда ўқинг!

Рейтинг: +7