Артём Филипосян: "Мағлубиятдан тўғри хулоса чиқарамиз"
04 мар 2015 13:23
Янгиликлар

Артём Филипосян: "Мағлубиятдан тўғри хулоса чиқарамиз"

"Бунёдкор" - "Персеполис" ўртасида кеча бўлиб ўтган Осиё Чемпионлар лигаси 2-тур учрашуви меҳмонларнинг кичик ҳисобдаги мағлубияти билан якунланди.

Ўйиндан сўнг Артём Филипосян бу баҳс ҳақида ўз фикрлари билан бўлишди.

- Учрашув ҳақида фикрингиз?

- Биз яхши ўйнаганимизни ҳамма кўрди. Уларда фақат битта пенальти ва битта дарвозага аниқ зарба бўлди. Биз 90 дақиқа давомида ҳужум қилдик, аммо тўп дарвозага кирмаса қийин экан. Гол уришга ҳаракат қилдик, лекин омад биз томонда бўлмади. Мағлубиятдан тўғри хулоса чиқарамиз, олдинда яна ўйинлар бор, бу сафар омад кулмаган бўлса, кейингисида акси бўлади.

- Гуруҳдаги ҳолат...

- Қўрқинчли ҳеч нарса содир бўлгани йўқ. Ўн еттинчида Қатарнинг "Лахвия" клубини қабул қиламиз, агар ғалаба қозонсак ҳаммаси жойида бўлади. Меҳмонда ҳам 3 очко олишга уриниб кўрамиз. Бу футбол. Баъзида ёмон ўйнаб ғолиб бўласан, баъзида эса яхши ҳаракат қилиб мағлуб бўласан.

Марат Аксанов суҳбатлашди.

Ҳавола :

Манба : championat.asia

Янгиликларни Телеграмда ўқинг!

Рейтинг: