“Арсенал” сўнгги 27 йил ичидаги энг ёмон натижасини қайд этди

Унаи Эмери жамоаси шу тариқа барча мусобақаларни ҳисобга олганда кетма-кет 7 та ўйинда ғалаба қозона олмади. “Тўпчилар” сўнгги 7 та ўйиннинг 5 тасида дуранг қайд этган, яна иккитасида эса мағлуб бўлган. Бундай нохуш натижа клуб тарихида сўнгги 27 йил ичида қайд этилмаган эди. Жумладан, “Арсенал” Арсен Венгер қўл остида 22 йил (1996-2018) ўйнаган бўлса-да, бирор марта бундай нохуш серия билан тўқнашмаган. Сўнгги бор бундай ҳолат 1992 йилги мавсум Жорж Грэм бош мураббий бўлганда қайд этилган.