"Арсенал" Милинкович-Савич учун 60 млн евро ва ўз футболчисини таклиф қилади
25 окт 2022 12:25
Янгиликлар

"Арсенал" Милинкович-Савич учун 60 млн евро ва ўз футболчисини таклиф қилади

"Арсенал" Римнинг "Лацио" клуби етакчиси Сергей Милинкович-Савични сафига қўшиб олишга уриняпти.

Манбага кўра, "канонирлар" сербиялик ярим ҳимоячи учун тахминан 60 миллион евро, шунингдек, 25 миллион еврога баҳоланган футболчиси Самби Локонгани таклиф қилмоқчи.

Эслатиб ўтамиз, ёзда "Арсенал" Милинкович-Савични ўз сафига қўшиб олишга уриниб кўрган ва унга 55 миллион евро таклиф қилган, бироқ "бургутлар" раҳбарияти рад жавобини берганди.

Милинкович-Савич жорий мавсум "Лацио" таркибида 15 та ўйинда майдонга тушиб, 4 та гол урди ва 7 та голли узатмани амалга оширди. Футболчининг "бургутлар" билан амалдаги келишуви 2024 йилда якунига етади.

Ҳавола :

Манба : Calciomercato

Янгиликларни Телеграмда ўқинг!

Рейтинг: +2