АПЛнинг икки топ-клуби Онанага қизиқмоқда

Ушбу мавсумда аста-секинлик билан "Интер"нинг биринчи рақамли посбонга айланиб бораётган Онананинг клуб билан яна 4 йиллик шартномаси бор.

Айни дамда манкунианликларда Давид де Хеанинг жамоадан кетиш эхтимоли бор. Агарда испаниялик кипернинг кетиши аниқ бўлса, унинг ўрнига камерунлик посбоннинг варианти кўриб чиқилади. "Челси"дагилар эса Эдуар Мендининг ҳаракатларидан қониқиш ҳосил қилмаяпти. Шу сабабли асосий посбон ролини Кепа Аррисабалага қайтариб олган.

Таъкидлаш керак, МЮ устози Эрик тен Хаг "Аякс"да Онана билан бирга ишлаган ва ушбу ҳолат трансферда муҳим роль ўйнаши ҳам мумкин.