АПЛнинг бой мураббийлари
23 окт 2015 19:00
Янгиликлар

АПЛнинг бой мураббийлари

Англия Премьер-Лигасида энг кўп маош оладиган мураббийларнинг 11 нафари...

11. Алан Пардью («Кристал Пэлас») – маълумотларга қараганда йилига 1.5 миллион фунт олади. У ўтган қишда "Ньюкасл" сафидан ушбу жамоа сафига келиб қўшилганди.

10. Тим Шервуд («Астон Вилла») – £2m. "Астон Вилла"нинг муваффақиятсиз ўйинлари сўнгги пайтда мураббийнинг маоши ҳақида эмас, у билан бекор қилинадиган шартноманинг компенсация пуллари ҳақида гапирилишига сабаб бўлмоқда.

9. Маурисио Почеттино («Тоттенхэм») – £2m. Аргентиналик мураббий ўзига тўланаётган пулларни оқламоқда десак ҳам бўлади.

8. Сэм Эллардайс («Сандерленд») – £2.5m атрофида. Шунингдек, "Сандерленд" ҳўжайинлари клубни АПЛда олиб қолганлиги учун мураббийга яна қўшимча 2 миллион фунт ҳам ваъда қилганлар.

7. Роберто Мартинес («Эвертон») – £3m. Испаниялик мураббий 2014 йилнинг ёзидаги тузилган шартномага биноан айнан шунча миқдорда йиллик даромад қилади.

6. Славен Билич («Вест Хэм») – £3m. Янги стадионга кўчиб ўтаётган ва ТВ билан янги йирик шартномага эришишга яқин турган жамоага 3 миллион фунт нима бўлибди? :)

5. Мануэль Пеллегрини («Манчестер Сити») – £4m. Чилилик мураббийни сал юқорироқда бўлишини кутганмидингиз? Бироқ, унга йилига 4 миллион фунт кифоя экан.

4. Юрген Клопп («Ливерпуль») – £7m. Мураббий ўзига билдирилган ишончни оқлай олармикин?

3. Луи ван Гал («Манчестер Юнайтед») – £7.3m. МЮ Фергюсон давридаги муваффақиятли жамоани қайтариш учун нафақат футболчилардан, балки мураббийдан ҳам пул аямаяпти.

2. Арсен Венгер («Арсенал») – £8.3m. Сўнгги вақтларда ПСЖ томонидан жиддий қизиқиш билдирилаётган мураббийни сақлаб қолиш учун "канонирлар" яхшигина суммани баҳридан ўтишга тайёрлар.

1. Жозе Моуриньо («Челси») – £8.5m. Дунёнинг энг кучли мураббийларидан бири ҳисобланадиган Жозе ушбу мавсумда ўзига тўланаётган пулларни оқлай олмаяпти.