Англия ТЖнинг 2 нафар футболчиси бўлажак ўйинларни ўтказиб юборади

"Ливерпуль" ҳимоячиси Трент Александер-Арнольд Англия терма жамоаси ўйинларида қатнашмайди. Бу ҳақда инглиз нашрлари хабар берди. Трент сон мушакларидан жароҳат олган.

"Манчестер Сити" вингери Жек Грилиш ҳам сон қисмидан жароҳат олиб, Англия терма жамоаси ихтиёрини тарк этди. Айни вақтда "Ньюкасл" ҳимоячиси Киран Триппьер терма жамоага келиб қўшилган.

Англия терма жамоаси Евро-2024 саралаши доирасида 9 сентябрь куни Украинага қарши ўйнайди. Шунингдек, 12 сентябрь куни эса Шотландияга қарши ўртоқлик учрашуви ўтказади.