Трент "Ливерпул"дан "Реал"га ўтиши ҳақида: "Ҳаётимдаги энг оғир қарорлардан бири"

26 ёшли англиялик футболчи 2025 йилнинг ёзида "Ливерпул"дан "Реал"га эркин агент сифатида ўтди.

"Бу ҳаётимдаги энг қийин қарорлардан бири эди. "Ливерпуль" – менинг уйим, у мени мен қилган. Аммо Мадрид керакли вақтда тўғри қадам бўлди.

Бу амбиция ва шахсий ўзгариш истаги эди. Ўзимни янги муҳитда синаб кўриш учун. Албатта, "Реал"нинг меросини инкор этиб бўлмайди. Бироқ мени янада кўпроқ ўзига тортган нарса менинг амбициям ва ўзимни янги муҳитда синаб кўриш истагим эди.

Бу – чақирув, лекин мен буни қабул қиламан. "Бернабеу"да ўйнаш – муқаддас. Сиз либоснинг оғирлигини ҳис қиласиз, лекин бу сизни унга бор кучингизни беришга мажбур қилади", – деди Трент.

Ҳимоячи жорий мавсум "Реал" сафида Ла Лигада 3 ўйин ўтказди ва бирорта ҳам гол ура олмади.