Андрей Шипилов: "Клубларнинг Давлат активларини бошқариш агентлигига ўтиши ҳақида бирон нима дея олмайман"
17 авг 2020 21:24
Янгиликлар

Андрей Шипилов: "Клубларнинг Давлат активларини бошқариш агентлигига ўтиши ҳақида бирон нима дея олмайман"

Coca Cola Суперлигаси 10-туридан ўрин олган "Бунёдкор" - "Металлург" (2:0) учрашувидан кейин мезбонлар устози Андрей Шипилов ўз фикрларини билдирди.

Ўйин ҳақида
Чемпионат яна тикланди ва биз ўйнашни бошладик. Ҳамма жамоалар ҳар хил ҳолатда эди. Биз бу баҳсга деярли 30 кун тайёргарлик кўрдик. Биринчи бўлимда яхши вазиятлар бўлди, аммо фойдалана олмадик. Шунчаки гол уриш керак эди, ўшанда баҳс бошқача кечган бўларди. "Бунёдкор"ни ғалаба билан табриклайман.

Майдон марказидаги футболчилар Исматуллаев бугун майдонга тушмади, Чумак ҳам ўйнамади...
Чумак 4 та сариқ карточка олгани учун тушмади. Исматуллаев эса жароҳатлангани учун майдонда кўриниш бермади.

Клубларнинг Давлат активларини бошқариш агентлигига ўтиши ҳақида нима дея оласиз?
Бунга изоҳ беролмайман. Клубда бу ишлар билан шуғулланадиган шахслар, комбинат раҳбарияти бор. Менда ҳозир бошқа муаммолар бор: жамоани баҳсларга қандай қилиб тўғри тайёрлаш, жароҳатланганлар билан ишлаш, жисмоний ҳолат устида бош қотириш, кетма-кет ўйинларда қатнашиш.