Андрей Микляев: "Тўхтахўжаевни “Ал Наср” билан ўйинга асраб қўйдик"
15 апр 2016 18:53
Янгиликлар

Андрей Микляев: "Тўхтахўжаевни “Ал Наср” билан ўйинга асраб қўйдик"

"Локомотив" - "Машъал" учрашувидан кейин ташкил этилган матбуот анжуманининг иккинчи қисмида мезбонлар устози Андрей Микляев қатнашди.

Андрей МИКЛЯЕВ (“Локомотив” мураббийи): - Биз бу рақибни ҳурмат қиламиз. Чунки “Машъал” охирги йилларда қандай клублигини исботлаган. Тартибли ўйин намойиш қилади. Бугун ғалаба қозонганимиздан хурсандмиз. Фикримча, ўйин ҳисобга мос бўлди.

Бизни “Ал Наср”га қарши жиддий ўйин кутиб турибди. Шунинг учун Тўхтахўжаевни сақлаб қўйдик. Қолаверса, жароҳати ҳам бор эди.

Жасур Ҳасанов ҳаракат қиляпти. Бугун ҳимояга ҳам ёрдам беришга ҳаракат қилди. Гол ургиси келди, аммо ура олмади. Бикмаевда жароҳат йўқ. Шунчаки, барқарор ўйин кўрсата олмаяпти.

Бизда жамоанинг тайёргарлигига Мирко жавоб беради. Мен бош мураббийман. Биринчи ўйиндаёқ у футболчиларга кўрсатма берганди. Шу боис анъанани бузмоқчи эмасмиз.

Фурқатбек Нишонов

Ҳавола :

Манба : championat.asia

Янгиликларни Телеграмда ўқинг!

Рейтинг: +2