Андрей Аршавин "Зенит"да янги лавозимда иш бошлади
03 авг 2020 07:00
Янгиликлар

Андрей Аршавин "Зенит"да янги лавозимда иш бошлади

Россия терма жамоаси собиқ футболчиси Андрей Аршавиннинг "Зенит"даги лавозими кўтарилди

Аршавин футболчилик фаолиятини якунлагач "Зенит" клубида мураббийлар малакасини ошириш марказида ўқиди ва Д, С тоифадаги лицензияларга эга бўлган эди. Шундан сўнг у клуб академиясида 2004 йилда туғилган футболчилардан иборат жамоага мураббийлик қилди. Тажриба ва кўникмасини шакллантириб борди.

Куни кеча клубда ўтказилган йиғилишда Аршавин "Зенит"нинг ёшлар футболини ривожлантириш департаментига раҳбар этиб тайинланди. Бу албатта Аршавин учун катта масъулият ҳисобланади. Бунга қадар эса у ёшлар футболи бўйича бош директор маслаҳатчиси бўлиб фаолият юритиб келаётган эди.

Маълумот ўрнида айтиб ўтиш жоиз, Андрей Аршавин учун "Зенит" бегона эмас. У айнан шу клубнинг тарбияланувчиси ҳисобланади. Ушбу жамоа сафида 1999-2008, шунингдек 2012, 2015 йилларда тўп тепди ва УЕФА кубоги, Суперкубогида зафар қучди.

Ҳавола :

Манба : "Sports.ru"

Янгиликларни Телеграмда ўқинг!

Рейтинг: +11