Андре Онана Камерун терма жамоасидаги фаолиятини якунлаганини эълон қилди

У ижтимоий тармоқларда шу мавзуда пост чоп этди.

Онананинг айтишича, унинг ҳикояси кичик қишлоқда бошланган, у ерда Камерун терма жамоасининг ўйинига қараб, терма жамоа таркибида майдонга тушишни орзу қилган.

Шу билан бирга, дарвозабон ҳамма нарсанинг ўз ниҳояси борлигини, энди эса унинг ҳикояси якунланаётганини таъкидлади.

"27 миллиондан ортиқ камерунликлар каби мен ҳам терма жамоани мухлис сифатида қўллаб-қувватлайман. Менга ишонган барчага фақат раҳмат айтаман", – деди Онана.

Эслатиб ўтамиз, футболчи Қатарда бўлиб ўтган Жаҳон чемпионатида терма жамоа ихтиёрини мураббий билан можаро туфайли тарк этган эди.