"Андижон" навбатдаги учрашувга қизғин тайёргарлик кўрмоқда

Олий лигага чиқиш учун курашаётган андижонликлар 24-турни ҳам ўз майдонида ўтказади. "Бургутлар"нинг бу сафарги рақиби Қаршининг "Насаф-2" жамоаси бўлади. "Сурхон" билан ўйиндан сўнг йигитларга дам берилмади. Сабаби эртага навбатдаги ўйин кутиб турибди. Шу боис кеча футболчилар ўйиндан кейинги тикланиш машғулотларини ўтказди. Тайёргарлик "Соғлом авлод" стадиони майдонида кечмоқда. Марказий ҳимоячи Ҳамза Каримов қўлидан олган жарохати сабабли машғулотларда иштирок эта олмаяпти. Дисквалификация туфайли ўтган учрашувда майдонга тушмаган Ойбек Нурматов билан Иброҳим Отахонов бўлажак баҳсга астойдил ҳозирлик кўрмоқда. Эслатиб ўтамиз, эртага "Андижон" - "Насаф-2" учрашуви "Соғлом авлод" стадионида соат 17:00да бошланади. Ўйинга кириш чипталари стадион кассаларида сотилмоқда.



"Андижон" матбуот хизмати.