Анчелоти: “Хамес билан музокаралар давом этмоқда, аммо...”

“Хамес бир нечта позицияда ўйнай олади: ҳужум ортида ёки вингер ролида.. Мен унга туғилган куни муносабати билан хабар йўллаб, табрикладим. Футболчини ўз сафимизга қўшиб олиш учун музокаралар давом этмоқда, аммо бу жараён кўп вақт талаб этади. Ушбу ўтиш амалга ошмаса ҳам, биз кучли жамоа бўлишда давом этамиз,” дея Анчелоттининг сўзларидан иқтибос келтирмоқда Football Italia.

Эслатиб ўтамиз, Анчелотти қўл остида Хамес “Реал” ва “Бавария”да тўп тепди. Немис клубида Родригес ўтган мавсум ҳам ўйнади. Аммо мюнхенликлар икки йиллик ижарадан кейин футболчининг трансферини сотиб олишни исташмади.

Сўнгги икки мавсумда колумбиялик футболчи “Бавария” таркибида 67 та учрашувда (барча турнирларда) майдонга тушиб, 15 та гол урди ва 20 та голли узатмани амалга оширди.