Ана холос, иккинчи давра пенальтилар билан бошланди
15 авг 2017 13:11
Янгиликлар

Ана холос, иккинчи давра пенальтилар билан бошланди

Олий лиганинг иккинчи даврасида дастлабки икки тур ортда қолди.

Қизиғи шундаки, ҳозирча жами 16та ўйин бўлиб ўтган бўлса, шундан 9тасида дарвозалар томон пенальти белгиланди. Лекин футболчиларнинг ҳаммаси ҳам 11 метрлик жарима тўпидан самарали фойдалана олишмади.

Хусусан 16-турда белгиланган бешта пенальтидан тўрттаси голга айланмади. 17-турда эса фақат битта пенальти амалга ошмай қолди. Қолган учтасида футболчилар мўлжалдан адашишмади.

16-турда пенальти белгиланган ўйинлар

"ДИНАМО" - "МЕТАЛЛУРГ" 0:3
Нечта пенальти қўйилди? Битта
Пенальти голга айландими? Йўқ. "Металлург" сардори Ҳикмат Ҳошимов тепган тўп дарвоза устунига тегиб қайтди.
Ўйинни ким бошқарди? Шерзод Қосимов

"НЕФТЧИ" - "ШЎРТАН" 1:1
Нечта пенальти қўйилди? Битта
Пенальти гол бўлдими? Йўқ. "Нефтчи" футболчиси Музаффар Музаффаров тепган тўпни дарвозабон қайтарди.
Ўйинни ким бошқарди? Вадим Агишев

Суратга изоҳ: Музаффар Музаффаров (ўнгда) пенальтидан гол урганида "Нефтчи" ғалаба қозонарди

"ОЛМАЛИҚ" - "БУХОРО" 1:1
Нечта пенальти қўйилди? Иккита
Пенальти голга айландими? Фақат биттаси. "Олмалиқ" ярим ҳимоячиси Шота Григалашвили нуқтадан адашмади, лекин Игорь Йеличнинг зарбаси ноаниқ чиқди.
Ўйинни ким бошқарди? Равшан Эрматов

"ҚИЗИЛҚУМ" - "ПАХТАКОР" 1:1
Нечта пенальти қўйилди? Битта
Пенальти голга айландими? Йўқ. "Пахтакор" ярим ҳимоячиси Тиаго Безерра тепган тўп тўсинга тегиб қайтди.
Ўйинни ким бошқарди? Валентин Коваленко

17-турда пенальти белгиланган ўйинлар
"СЎҒДИЁНА" - "ЛОКОМОТИВ" 0:4
Нечта пенальти қўйилди? Битта
Пенальти гол бўлдими? Ҳа. "Локо" ҳужумчиси Марат Бикмаев мўлжалдан адашмади.
Ўйинни ким бошқарди? Темур Тўхтасинов

"НАВБАҲОР" - "ҚИЗИЛҚУМ" 3:2
Нечта пенальти қўйилди? Иккита
Пенальти голга айландими? Ҳа. "Навбаҳор" сардори Дилшод Жабборов ва "Қизилқум" ярим ҳимоячиси Илҳом Юнусов 11 метрлик нуқтадан гол уришди.
Ўйинни ким бошқарди? Вадим Агишев

Суратга изоҳ: Илҳом Юнусов 11 метрлик жарима тўпини бехато бажарди

"БУХОРО" - "НАСАФ" 1:0
Нечта пенальти қўйилди? Битта
Пенальти голга айландими? Йўқ. "Бухоро" ҳужумчиси Санъат Шихов нуқтадан тўп кирита олмади.
Ўйинни ким бошқарди? Валентин Коваленко
Қизиқ факт: Вадим Агишев билан Валентин Коваленко кетма-кет иккала турда ҳам пенальти қўйган ҳакамлар бўлишди.

Х.Холиқов

Ҳавола :

Манба : championat.asia

Янгиликларни Телеграмда ўқинг!

Рейтинг: -26