Альваро Мората: “Реал”га қайтишим мумкин, фақатгина...”
11 ноя 2017 01:42
Янгиликлар

Альваро Мората: “Реал”га қайтишим мумкин, фақатгина...”

“Реал”нинг собиқ ҳужумчиси, айни пайтда “Челси” шарафини ҳимоя қилаётган Альваро Мората Мадрид клубига қайтиши мумкинлиги ҳақида гапирди.

-Иккинчи маротаба Мадридга қайтишинг мумкинми?

-Албатта, мен “Реал”га қайтишим мумкин. Аммо “Челси” билан барча совринларни ютиб, бу ерда ўзимдан яхши ном қолдирганимдан кейин. “Реал”га йўқ деб жавоб бериш қийин, айниқса сен шу жамоа мухлиси бўлсанг. Тўғрисини айтсам, ҳозир мен бундай ўтишлар ҳақида ўйлаётганим йўқ. Айни пайтда Лондонда мени барча нарса қаноатлантирмоқда.

-“Челси” билан ЧЛ финалида “Реал”га қарши ўйнашни истармидинг?

-Ҳа ва албатта ўша баҳсда биз ғалаба қозонсак... Ўйлашимча, бизнинг улар билан йўлларимиз кесишмаса керак. Аммо мен ҳар қандай ҳолатда ҳам, шубҳасиз, “Реал”га қарши ўйинга тайёр бўлардим”, дейди Мората.

Ҳавола :

Манба : As

Янгиликларни Телеграмда ўқинг!

Рейтинг: +21