Аллегри "Ювентус" раҳбариятидан мамнун эмас

"Football Italia" хабарига кўра, клубдагилар Аллегрини қайтаришда берган ваъдаларини бажармаган. Мутахассис клубнинг ёзги трансферлар ойнасида бошқача ишлашини кутганди.

Жумладан, Аллегри раҳбариятга Миралем Пьянични қайтаришни, шунингдек, Криштиану Роналдунинг ўрнини боса оладиган футболчини олиб келишни талаб қилган. Аммо клубдагилар бунга улгурмаган.

Ёзги трансферлар ойнаси вақтида "Юве" Мойзе Кин ва Мануэль Локателлини ижарага олган бўлса, ёш Муҳаммад Ихаттарен таркибга қўшиб олинди.