Аллегри: "Натижа учун ҳужумчиларимиз айбдор эмас"

- Учрашувнинг охирги дақиқаларида тайёр ғалабани қўлдан чиқарганимиздан жуда жахлим чиқди.
Лекин гуруҳдан чиқиш учун имкониятларимиз етарли. Ҳаммаси ўз қўлимизда.

Ҳамма нарсадан яхшилик излаш лозим. Бу Европа чемпионлар лигасининг финал учрашуви эмас эди. ЕЧЛдаги энг муҳим палла мартда бошланади. Бу мусобақа ҳам А Серия сингари узоқ давом этадиган турнир.

Биринчи бўлимни яхши ўтказдик. Аммо иккинчи таймда кўп таваккалга қўл урдик. Бир ҳисобдан бу ҳам яхши. Охирги ҳафталарда бир қатор муҳим ва оғир баҳсларни ўтказдик. Камига кўплаб етакчи футболчиларимизсиз ўйнадик.

Дуранг қайд этганимизга Игуаин ва Манжукич айбдор эмас. Улар ўз ишларини яхши бажаришмоқда. Манжукич бу беллашувда катта ҳажмдаги ишларни амалга оширди. Мени олдимда бошқа танлов ҳам йўқ айни пайтда. Ҳужумчиларимга эътирозим йўқ.