Алексей Евстафеев: "Аввал "Обод"дан таклиф бўлсин, кейин аниқ фикр билдиришим мумкин"
15 дек 2015 11:34
Янгиликлар

Алексей Евстафеев: "Аввал "Обод"дан таклиф бўлсин, кейин аниқ фикр билдиришим мумкин"

"Нефтчи" клуби ёрдамчи мураббийи Алексей Евстафеев "Обод"ни бошқарши мумкинлиги ҳақидаги хабарларга изоҳ берди.

"Обод" жамоасидан менга таклиф бўлгани йўқ. Бу клубни бошқаришим мумкинлиги ҳақида ёзишибди. Мен эса буни инкор этдим. Чунки "Обод" клубидан аниқ таклиф тушмади. "Нефтчи" билан 31 декабргача амалдаги шартномам бор. Шу боис ҳозир ҳеч қаерга кетганим йўқ. Бундан ташқари менга таклифлар ҳам бўлмади. Шундай экан ҳамон "Нефтчи"даман. 14 декабрь куни Фарғонада дастлабки йиғинни бошладик. Фёдоров Москвада Про лицензиясига ўқиётгани боис 26 декабрга қадра кечадиган илк йиғинни мен олиб бораман. Андрей Фёдоров Янги йил байрамидан сўнг жамоа билан машғулотларни бошлайди", - дейди Евстафеев "Футбол Экспресс" газетасига берган интервьюси чоғида.

- Агар "Обод" жамоасидан таклиф тушадиган бўлса, уни қабул қиласизми?

- Аввал таклиф бўлсин, кейин бу ҳақда аниқ бир фикр билдиришим мумкин. Албатта, ҳар бир мураббий мустақил равишда ишлаб, жамоа бошқаришни хоҳлайди.

Ҳавола :

Манба : championat.asia

Янгиликларни Телеграмда ўқинг!

Рейтинг: +2