Александр Хомяков: "Стандарт вазиятларни ҳисобга олмаганда рақиб дарвозаси олдида деярли вазият яратмадик"

- Бугунги учрашув ҳақидаги фикрларингиз?

- Авваламбор янги футбол мавсуми билан барча мухлисларни табриклайман. Ўйинга тўхталадиган бўлсак, бугун ёмон ўйнамадик, аммо бироз эмоцияга берилдик. Шахсан мен ҳам айрим вазиятларда қизишиб кетдим. Стандарт вазиятларни ҳисобга олмасак рақиб дарвозаси олдида деярли вазият яратмадик. Бутун ўйин давомида гол уриш учун битта яхши имкониятга эга бўлдик. Рақибимиз эса вазиятлар ярата олди, аммо дарвозабонимиз ҳушёр эди. Ҳозир ўйин ҳақида бир нима дейиш қийин, сал вақт ўтсин ва совуқ мияга ўйинни таҳлил қилиб чиқамиз. Сафарда очко қўлга киритдик ва ишлашда давом этамиз.

- Бугунги ўйинда жамоангиз қайд этган натижадан қониқдингизми?

- Ҳа, сабаби рақибимиз иккинчи бўлимда кўп вазиятлар яратди, биз эса ҳимояландик. Гол ўтказиб юбормадик ва бир очкони қўлга киритдик.