Александр Хомяков: "Ҳакам ишонч ҳосил қилибдими, демак пенальти бор"
21 апр 2024 21:24
Янгиликлар

Александр Хомяков: "Ҳакам ишонч ҳосил қилибдими, демак пенальти бор"

Ўзбекистон кубогининг 2-туридан ўрин олган "Навбаҳор" - "Андижон" (2:1) учрашувидан сўнг меҳмонлар бош мураббийи Александр Хомяков матбуот анжуманида иштирок этди.

Ўйин ҳақида

- Умуман олганда ёмон ўйин ўтказмадик. Вазиятларимиз бўлди, фойдалансак ҳисоб бу кўринишда бўлмасди. Биринчи бўлим биз учун яхши кечмади. Иккинчи бўлимда фаолликни оширдик, бироқ ўз дарвозамиздан ўтказиб юборилган иккинчи гол бугун бизнинг кунимиз эмаслигини кўрсатди. Мени хурсанд қилган жиҳат ҳам бор, майдонда 10 киши бўлиб қолиб ҳам рақибга босим қилишда давом этдик. Вазиятлар ярата бошладик ва гол ҳам урдик.