Александр Хомяков: "Биз учун ҳозир энг муҳими - натижа"

Ўйин ҳақида

- Қийин ўйин ўтказдик. Баъзи режалар ўхшади, баъзилари ўхшамади. Рақиб билан ўйин очколарга назар солсак, принциапиаллик ҳам йўқ эмасди. Такрор айтаман, жуда қийин ўйин ўтказдик. Биз учун ҳозир энг муҳими натижа.

Жамоамиз йигитларига бугунги характерли ўйин учун миннатдорчилик билдираман. Улар бугун майдонда шляпани ечсанг арзийдиган ўйин кўрсатиб беришди. Шунингдек, бизни қўллаб-қувватлаб келаётган мухлисларимизга алоҳида раҳмат айтаман.

- Кубок учрашувидан сўнг бугунги ўйинда чарчоқ аломатлари сезилгандек кўринди. Бу борада фикрингиз қандай?

- Чарчоқ аломатлари кўринди деб айтмаган бўлардим. Биз "Навбаҳор" билан кубок ўйини бор эканини билардик ва шунга мос режа тузганмиз. Йигитлар айни футбол ўйнайдиган ёшда ва бизда жисмоний холат бўйича муаммолар кўзга ташланмади. Бироқ, яна қайтараяпман, бугун жуда оғир ўйин ўтказдик.

- Маматказиннинг холати ҳақида нималарни айта оласиз?

- Шифокорлар кўриб чиқишаяпти. Назаримда, у билан ҳаммаси жойида.

- "Андижон" ўз майдонига қачон қайтади?

- Биз ҳам шуни истаяпмиз. Мухлисларимиз стадионни тўлдириб турган майдонда ўйнашимизни ҳаммамиз истаймиз. Айни вақтда менда ушбу саволнинг аниқ жавоби йўқ.