"Ал Ҳилол" билан ўйинга чипта ютиб олишни хоҳлайсизми?

21 апрель куни Саудия Арабистонининг энг кучли клубларидан бири "Ал Ҳилол" Тошкентда меҳмон бўлади. Аминмизки, ҳозирданоқ "Локомотив" - "Ал Ҳилол" баҳсига қизиқиш юқори. Айниқса, "темирйўлчилар" ўз майдонида "Ал Садд"ни 5:0 ҳисобида мағлуб этганидан сўнг жамоамизда кейинги босқичга чиқиш учун яна имконият юзага келди.

Шу ўринда жамоамизга бефарқ бўлмаган мухлислар учун кичик бир конкурс ташкил қилмоқчимиз. Хабарингиз бор, 13 апрель куни "Локомотив" ўз майдонида "Бунёдкор"ни қабул қилади. Мана шу ўйин сабаб сизда "Ал Ҳилол" билан бўладиган учрашувга иккита чипта ютиб олиш имконияти бор. Қандай қилиб дейсизми? Марҳамат, "Локомотив"нинг "Бунёдкор"га қарши майдонга тушадиган асосий таркиби (11талик)ни тўғри топинг ва ОЧЛ ўйинига 2та чипта ютиб олинг.

Хўш, сизнингча, Вадим Абрамов "Бунёдкор"га қарши қандай таркибни майдонга туширади? Бир таваккал қилиб ўз вариантингизни электрон почтамизга жўнатинг, балки тўғри чиқиб қолар. Шунда сиз "Ал Ҳилол" билан ўйинга иккита чипта ютиб олиш имкониятига эга бўласиз.

Эслатма: Вариантлар 13 апрель, соат 12:00гача қабул қилинади.
Электрон почтамиз: [email protected]
Изоҳ: Фақат кўрсатилган электрон почтага келган вариантларгина инобатга олинади
Қоида: Агар икки ва ундан ортиқ кишининг варианти бир хил тўғри чиқиб қолса, электрон почтага ким биринчи бўлиб хат жўнатган бўлса, ўша чипта соҳибига айланади.
Имконият: Ҳар бир киши юборадиган вариант биттадан ортиқ бўлмаслиги керак
Шундай экан, бугунданоқ ўз вариантингизни юборишни бошлайверинг.