"Ал Айн" футболчилари клуб ходимларига қарши ўртоқлик учрашуви ўтказишди
30 авг 2016 15:39
Янгиликлар

"Ал Айн" футболчилари клуб ходимларига қарши ўртоқлик учрашуви ўтказишди

Худди "Локомотив" сингари Осиё чемпионлар лигасининг чорак финал жавоб баҳсига тайёргарлик кўраётган "Ал Айн" кеча ўртоқлик учрашуви ўтказди.

Златко Далич шогирдлари "Ал Айн" футбол клубида ишлаётган ишчи-ходимлар билан куч синаб кўришди. Бу ўйинда футболчилар жамоаси 8:0 ҳисобида ғалаба қозонишди. Ишчилар мазкур баҳсда "Интер" либосида ҳаракат қилишди.

Ўйинда Кайо ва Дуглас иккитадан тўп киритишган бўлса, Асприлла, Салим Ал Хатири, Аҳмад Муса ва Фавзи Файез биттадан гол уришди.

Эслатиб ўтамиз, "Локомотив" - "Ал Айн" учрашуви 13 сентябрь куни "Бунёдкор" стадионида бўлиб ўтади.