UZ

Сўнгги янгиликлар

15:16Пьянич: "Аббос Файзуллаев "Барселона"га ўтишни истаса, ўз орзусига ишониши ва у томон интилиши лозим"  1 14:55Нойер қайтди!  0 14:29Давид Алаба рақобат туфайли "Реал"ни тарк этиши мумкин  3 14:02Флик Эрик Гарсияни "Барселона"да қолишга кўндирган  0 13:34Компани кейинги мавсумда Мюллерни "Бавария" таркибида кўрмаяпти  4 13:03Суперлига = "Автобуслар лигаси"  5 12:37Суперлига. 4-тур дисквалификациялари: "Навбаҳор" ва "Андижон" 1 нафардан йўқотишга эга  0 12:23Айбек Нурбаев: "Ўз хатоларимиз эвазига голлар ўтказиб юбордик"  1 12:11Неъматилло Қуттибоев: "Йирик ҳисобда ғалаба қозонган бўлсак ҳам камчиликларимиз йўқ эмас"  0 11:50Афсонавий Кафу Қозоғистонга келди  3 11:20ФИФА президенти Клублар ўртасидаги ЖЧнинг 32-жамоаси қачон аниқ бўлишини маълум қилди  3 10:47«Рома» афсонаси АПЛ жамоасини бошқариши мумкин  0 10:15«Астон Вилла» «Реал» футболчисига жиддий қизиқмоқда  0 09:40УEФА президенти ЖЧ иштирокчилар сонини 64 та оширишга қарши  8 09:04Суперлига 4-тур. "Қалдирғочлар" парвози давом этадими? "Андижон" биринчи ғалабасига яқин, водий дербиси ва бошқа ўйинларга тахминлар  7

"Аждарлар"нинг парвози давом этади Янгиликлар

"Аждарлар"нинг парвози давом этади

Хабарингиз бор, Қаршининг "Насаф" клуби Осиё Чемпионлар лигасининг плей-офф босқичига йўлланмани қўлга киритди.

Ўқувчилик йилларимизда, мақсадимиз билим олиш эмас, кўпроқ дарсдан амаллаб жуфтакни ростлаш бўлган кезларда бир ўқитувчимиз бўларди. Таърифлайдиган жиҳати ҳам бундай олиб қараганда, оддий инсон, ялтир-юлтур кийиниш нималигини билмайдиган, лекин халқ тили билан айтганда, калласи компьютер. Ўша оддийлиги туфайли ҳам барчанинг ҳурматига сазовор бўлган. "Насаф"ни ҳам ўша ўқитувчимга қиёслагим келди. Оддий вилоят клуби, қимматбаҳо ўйинчиларни жалб этмасдан, маҳаллий футболчилардан шаклланган жамоа туза олади ҳамда қониқарли натижага эриша олади. Шунингдек, клубга Қашқадарё вилоятидан бошқа ўлкалардаги футбол ишқибозлари ҳам ҳурмат бажо келтиришади. Иштирокини саралаш босқичидан бошлаган "Насаф" гуруҳ босқичида максимум вазифани бажарди. Биринчи ўринни сақлаб қолишга ўн дақиқа чидаб беришолмади холос. Нима бўлган тақдирда ҳам, кейинги босқич чипталари қўлга киритилди. Эндиги вазифа эса имкон қадар узоқроққа бориш.

Гуруҳ босқичида давомида Рўзиқул Бердиев тўрт хил тактика билан шогирдларини ўйинга тайёрлади. Улардан энг мақбули 4-3-3 тактикаси бўлиб, ушбу схема бўйича 3 ўйинда майдонга тушган "аждарлар" 2 ғалаба ва 1 дурангга эришди. Шунингдек, Бердиев икки ўйинда 3-5-2 ҳамда охирги турда 4-2-3-1 тактикасини синовдан ўтказиб кўрди.

Қаршиликлар "Ал Файсали"га қарши учрашувда яққол устунликка эга бўлишига қарамай, имконият бой бериб қўйилган бўлса, аксарият ўйинларда устунликга рақибга берган ҳолда "улоқ"ни илиб кетишди. 

"Ал Садд" - "Насаф" 1:1

Тўпни эгаллаш: 54-46

Зарбалар: 14-19

Аниқ зарба: 3-7

Ноаниқ зарба: 5-10

Блок қўйилган зарбалар: 6-2

Бурчак зарбаси: 4-5

Ҳужумлар: 113-86

Хавфли ҳужумлар: 66-66

ФОТОГАЛЕРЕЯ. ОЧЛ. "Ал Садд" - "Насаф" 1:1


"Насаф" - "Ал Виҳдат" 2:0

Тўпни эгаллаш: 50-50

Зарбалар: 20-11

Аниқ зарба: 6-2

Ноаниқ зарба: 8-8

Блок қўйилган зарбалар: 6-1

Бурчак зарбаси: 7-4

Ҳужумлар: 94-94

Хавфли ҳужумлар: 73-51

ФОТОГАЛЕРЕЯ. ОЧЛ. "Насаф" - "Ал Виҳдат"


"Насаф" - "Ал Файсали" 0:1

Тўпни эгаллаш: 56-44

Зарбалар: 16-2

Аниқ зарба: 2-1

Ноаниқ зарба: 9-1

Блок қўйилган зарбалар: 5-0

Бурчак зарбаси: 6-3

Ҳужумлар: 91-71

Хавфли ҳужумлар: 84-43

ФОТОГАЛЕРЕЯ. ОЧЛ. "Насаф" - "Ал Файсали" 0:1


"Ал Файсали" - "Насаф" 0:0

Тўпни эгаллаш: 40-60

Зарбалар: 2-11

Аниқ зарба: 1-3

Ноаниқ зарба: 1-7

Блок қўйилган зарбалар: 0-1

Бурчак зарбаси: 1-8

Ҳужумлар: 87-114

Хавфли ҳужумлар: 46-109

ФОТОГАЛЕРЕЯ. ОЧЛ. "Ал Файсали" - "Насаф" 0:0


"Насаф" - "Ал Садд" 3:1

Тўпни эгаллаш: 44-56

Зарбалар: 16-15

Аниқ зарба: 7-6

Ноаниқ зарба: 6-9

Блок қўйилган зарбалар: 5-0

Бурчак зарбаси: 3-0

Ҳужумлар: 79-84

Хавфли ҳужумлар: 59-69

ФОТОГАЛЕРЕЯ. ОЧЛ. "Насаф" - "Ал Садд" 3:1


"Ал Виҳдат" - "Насаф" 2:2

Тўпни эгаллаш: 64-36

Зарбалар: 17-12

Аниқ зарба: 5-7

Ноаниқ зарба: 6-1

Блок қўйилган зарбалар: 6-4

Бурчак зарбаси: 3-5

Ҳужумлар: 97-73

Хавфли ҳужумлар: 62-56

ФОТОГАЛЕРЕЯ. "Ал Вихдат" - "Насаф"



Энг яхши футболчи: Ҳусниддин Алиқулов

Марказий ҳимоячи гуруҳдаги барча ўйинларни тўлиқ ўтказди ҳамда ҳимоядаги хатти-ҳаракатлари билан ажралиб турди. Гарчи 23 ёшли футболчи ўз ҳисобига гол ёки ассист ёзиб қўймаган бўлса-да, яккакурашларда ютиб чиқиш бўйича клуб сафида энг яхши натижани қайд этди (65%). Алиқулов хавфни бартараф этиш бўйича ҳам юқори самарадорлик кўрсатган (69%).


Жамоа тўпурари: Марко Станоевич

Сербиялик марказий ярим ҳимоячи "Ал Виҳдат" клубини яхши кўриб қолди, боиси турнир давомидаги учта голининг барчасини айнан ушбу жамоа дарвозасига киритди. Бу голлар муҳим аҳамият касб этарди, дастлаб унинг дубли "аждарлар"га зафар олиб келган бўлса, сўнгги турда қимматли 1 очко олишини таъминлади. Шунингдек, 33 ёшли футболчи қаршиликлар таркибида энг кўп зарба муаллифига ҳам айланди. Оёғига келган тўпни тепавердими нима, хуллас унинг уринишлари сони 25 тага етиб қўйди. Шуларнинг 9 тасигина мўлжалга аниқ борган. Бундан ташқари, Станоевич "Насаф" сафидаги энг кўп пас берган футболчига ҳам айланган - 327 та, шулардан 86%и шерикларининг бутсаси дийдорлашган. Марко нафақат ҳужумда, балки ҳимоядаги ҳаракатлари билан ҳам мақтанишга арзийди. У рақибларидан нақ 23 марта тўпни олиб қўйган.


Кашфиёт: Акмал Мозговой

Ушбу номинацияга 2 та гол уриб, 1 ассист қайд этган Ҳусайн Норчаевни ҳам киритишимиз мумкин эди. Бироқ Ҳусайннинг бу натижаси биз учун янгилик эмас, қолаверса, у ҳужумчи ҳамда унинг вазифаси гол уриш. Мозговой эса ҳимояга кўпроқ ёрдам берадиган ярим ҳимоячи бўлишига қарамай, ҳужумдаги шериги билан бир хил миқдорда рақиб дарвозабонларини ранжита олди. 23 ёшли футболчи ҳимояда ҳам, ҳужумда ҳам бир текис ўйнади ҳамда барча учрашувларни тўлиқ ўтказди.


Дарвозабонлар

Мусобақадаги илк учрашувда "Насаф" дарвозасини Умиджон Эргашев қўриқлади. Ўша ўйинда унинг дарвозаси томон 3 та аниқ зарба йўлланди, шулардан бири дарвоза тўридан ўрин олди. Бироқ кейинги ўйинларда Рўзиқул Бердиев Абдувоҳид Неъматовни ушбу позицияга муносиб деб топди. Неъматов 5 ўйинда жами 43 бор ўққа тутилди, шулардан 15 таси мўлжалга етиб келди. Ушбу вазиятлардан 11 тасини 35 рақамли посбон бартараф этишнинг уддасидан чиққан бўлса, 4 та зарба олдида ожиз қолди. Умуман олганда, "аждарлар" парвозининг бардавом бўлишида дарвоза қўриқчиларининг ҳам ўрни беқиёс.

Қаршиликлар келгуси йилнинг февраль ойида ОЧЛ 1/8 финал босқичида Саудия Арабистонининг "Ал Шабаб" жамоасига қарши баҳс олиб боради. Ушбу жамоа ҳақида ҳам муфассал маълумот беришга ҳаракат қиламиз. Унгач эса "Насаф"нинг янада юксалишини тилаб қоламиз. Исталган клубимизга уларни ўрнак қилиб кўрсатсак арзийди.

"Пахтакор" ОЧЛда қандай иштирок этди?

Рейтинг: +44   

Фикрлар

championat.asia
< сўнгги янгиликларни кўриш
Яндекс.Метрика