U-23 Осиё кубоги. Аҳмад Агамуродов: "Чорак финалга етиб келганимиздан хурсандман"
10 июн 2022 13:27
Янгиликлар

U-23 Осиё кубоги. Аҳмад Агамуродов: "Чорак финалга етиб келганимиздан хурсандман"

U-23 Осиё кубоги чорак финалидан ўрин олган Австралияга қарши учрашувдан олдинги матбуот анжуманида Туркманистон U-23 бош мураббийи Аҳмад Агамуродов ва футболчи Расул Чориев иштирок этди.

"Бу босқичга етиб келганимиздан хурсандман. Гуруҳ босқичидаги вазифани муваффақиятли бажардик. Футболчилар уч кун ичида тайёр ҳолатга келишди. Бўлажак рақибимиз Австралия кучли жамоа. Улар прессингни яхши ташкил этишади. Чорак финалдаги баҳсдан катта тажриба олишимиз аниқ. Ғалаба учун ҳаракат қиламиз", - дейди Аҳмад Агамуродов.

Расул Чориев: "Австралиянинг ўйинларини кўрдик. Ўйлайманки, яхши учрашув бўлади. Эртанги ўйинда жамоамга ғалаба қозониши учун ёрдам беришга ҳаракат қиламан".