АГМК чемпионлик пойгасига дош беролмади, "Насаф" ва "Навбаҳор" бугунги чемпионлик босими остидаги ўйинга тайёрми?

Тўғри, айни пайтда "Пахтакор" 38 очко жамғарган ҳолда пешқадамликда дадил одимлашни бошлади. Лекин бугун Қарши ва Намангандаги ўйинлар чемпионлик пойгасида "Пахтакор"нинг қувувчиларининг имкониятини чамалаб беради. Биз эса анъанамизга содиқ қолган ҳолда сайтимизда таҳлилчи сифатида чиқиш қилаётган собиқ футболчи, Мундиал таҳаллуси остидаги мутахассисга сўз берамиз:

"Олмалиқдаги кичик финалда қайд этилган натижа Суперлигадаги чемпионлик интригасига барибир ўз таъсирини кўрсатади. Олмалиқ жамоасининг эҳтимолий ғалабаси интригани янада кучайтириб, жадвалда зич жойлашувни таъминлаши мумкин эди. Ўйин тарафлама АГМК яхши кураш таклиф қилди. "Пахтакор" эса ўйин тарафлама биринчи бўлимдаги мағлубиятини иккинчи таймда иккита ўзгариш орқали бутун ғалабага айлантирди. Шацких яхши мураббий қилиши керак бўлган ўзгаришни ўйин боришига қараб бажара олгани, бу ўзбек футболида яхши мутахассис етишиб чиқаётганидан дарак. Миржалол Қосимов эса жамоада олиб бораётган селекция ишларини қайта кўриб чиқиши, легионерлар танлашда эса Папава ва Ҳақназарий сингари футболчиларни жалб қилиши керак. Бу икки футболчини диққат билан кузатган ҳолда шуни айтишим мумкинки, бу иккиси Суперлигада ҳали узоқ вақт юқори даражада ўйнаши мумкин. Қолган легионерлари эса ўзбек футболи даражасида юқори мақсадни кўзлаган жамоа учун хос эмас. Ҳар бир чизиқни қайта кўриб чиқиш керак. Айниқса ҳужум чизиғи таъмирталаб. АГМКда мураббий ғояси, жисмоний ҳолат ва тактик ишланмалар жойида. Қосимов қўл остидаги футболчиларнинг аксарияти ўрта даражадаги ижрочилар. Айнан шу жиҳат кетма-кет муҳим ўйинларда панд бермоқда. Олмалиқдаги натижа ўйинга мос бўлмади. Лекин "Пахтакор" мураббийнинг топқирлиги туфайли ютганини ҳам инкор этиб бўлмайди. Чунки "Пахтакор" ғалабага нолойиқ эди, дейиш ҳам ноҳақлик бўлади. Қизиғи шундаки, АГМК ҳам мағлубиятга нолойиқ эди. Бундай ўйинларда даража кўп нарсани ҳал қилади ва амалда шундай бўлди.

Қизиғи, "Пахтакор"нинг ғалабаси бугунги ўйинларда "Насаф" ва "Навбаҳор"га қўшимча босим беради. Энди улар нафақат пешқадамга айланишни, балки пешқадам бўлган "Пахтакор"ни юқорига қўйиб юбормасликни ҳам ўйлашга мажбур. Ўйлашимча, "Навбаҳор" ва "Насаф"ни бугунги ўйинларда хато қилишга ҳақлари йўқ. Акс ҳолда бу хато бутун мавсум учун қимматга тушиши мумкин. Чунки "Навбаҳор" ва "Насаф" биргина хато эвазига чемпионлик масаласини буткул "Пахтакор" қўлига топшириши мумкин. Бундан ташқари "Насаф" 7 ўйиндан буён ютқазмаётган Файзиевнинг "Қўқон-1912" жамоасининг ожиз нуқтасини қидириши керак. "Навбаҳор" эса яна бир чемпионликдан умиди бор ва етакчилар орасида ортиқча шовқинсиз кетаётган "Қизилқум"ни енгиши зарур. Ниҳоятда қийин вазифа. Бугунги ўйинларда аслида "Навбаҳор" ва "Насаф" чемпионат якунига қадар чемпионлик пойгасида қатнашишга қодирми ёки йўқ, бу саволга ҳам жавоб топиб беради.

Бабаян бундай ўйинларни қандай ютишни, ғалаба учун бор имкониятларини қандай ишга солишни, босимга дош беришни ҳаммадан кўра яхшироқ уддалайди. Бердиев эса бундан босимга кўникмаган, "Насаф" бундай катта ўйинларда асосан ўзига ўхшамай қолади. Бу жамоанинг руҳияти билан боғлиқ муаммо.

ОКМК

Суперлига. 18-тур 15/09/2022, 19:00 2 : 0 Тугади

Пахтакор Хожиакбар Алижонов - 54', Драган Черан - 85'

45'

90'

46'  Миржаҳон Мираҳмадов (Мартин Боаке)

66'  Абдулла Абдуллаев

73'  Акром Комилов (Шоҳруҳ Гадоев)

73'  Абдулла Абдуллаев (Дан Спатару)

82'  Хуршид Ғиёсов (Алишер Жалилов)

87'  Санжар Турсунов (Миржамол Қосимов)

46'  Достонбек Ҳамдамов (Олександр Насонов)

46'  Илья Мартинович (Шерзод Аъзамов)

52'  Хожиакбар Алижонов

54'  Хожиакбар Алижонов

68'  Азизбек Турғунбоев (Аббосбек Файзуллаев)

83'  Санжар Қувватов

85'  Драган Черан

89'  Фаррух Сайфиев

90'  Драган Черан (Диёр Холматов)

Матч-центрда очиш

Мундиал исмли собиқ футболчи