Агарда Рэтклифф МЮнинг 25 фоиз акцияларини сотиб олса, тен Хагнинг трансфер ишларидаги ўрнига таъсир қилиши мумкин
31 окт 2023 22:30
Янгиликлар

Агарда Рэтклифф МЮнинг 25 фоиз акцияларини сотиб олса, тен Хагнинг трансфер ишларидаги ўрнига таъсир қилиши мумкин

Агарда Жим Рэтклифф "Манчестер Юнайтед" акцияларини сотиб олса, бош мураббий Эрик тен Хагнинг трансфер ишларидаги таъсирига барҳам берилади.

Эслатиб ўтамиз, "Ineos" компанияси яратувчиси 1,3 млрд фунт эвазига "Манчестер Юнайтед"нинг 25 фоиз акцияларини сотиб олишга яқин турибди. Бу миллиардернинг клубни тўлақонли сотиб олиши йўлидаги илк қадами бўлади.

"iNews" хабарига кўра, дербидаги мағлубиятдан кейин Рэтклифф "Манчестер Юнайтед"нинг натижаларига ва бош мураббий Эрик тен Хагга ишонч билдирмаган. Аммо у акцияларни сотиб олган тақдирда ҳам бош мураббийни ўзгартиришни талаб қилмоқчи бўлмаяпти.

Шу орқали Эрик тен Хагнинг трансфер ишларидаги таъсири тугатилади. Бунга сабаб сифатида Рэтклиффга тен Хагнинг ўзи билан бирга ишлаган футболчиларни "Манчестер Юнайтед"га олиб келаётгани кўрсатилган.

Ноябрь ойи якунларига қадар Рэтклиффнинг "Манчестер Юнайтед"нинг 25 фоиз акцияларини сотиб олиш ишлари якунланиши кутилмоқда.

Ҳавола :

Манба : iNews

Янгиликларни Телеграмда ўқинг!

Рейтинг: