UZ

Сўнгги янгиликлар

03:08Акмал Рустамов: "Қўқон шамоли? Бундай об-ҳавода ҳар иккала жамоа ўйнади"  0 02:50Баҳром Ҳайдаров: "Қизилқум"дек жамоани мағлуб этганимиздан хурсанд бўлдим"  0 01:55Суперлига. "Пахтакор" – "Нефтчи" 2:1  1 01:27Камолиддин Тожиев: "Пахтакор"га қарши барча рақиблар 200%га ўйнайди"  6 00:41Левченко: "Пахтакор" нима қилди? Фақат ҳимояланди-ку"  25 00:34Бундеслига. "Бавария" "Гамбург" дарвозасига жавобсиз 5 та гол урди, мюнхенликлар дастлабки 4 та тўпни 29 дақиқа ичида киритишди  0 00:00Туркия Суперлигаси. Истанбул дербисида "Бешиктош" "Истанбул Башакшехир"ни мағлуб этди, Шомуродов янги клубидаги дебют голини урди!   38 23:27АПЛ. "Тоттенхэм" Лондон дербисида "Вест Хэм"ни йирик ҳисобда мағлуб этди  0 23:14А Серия. "Ювентус" ва "Интер" ўртасидаги ўйинда 7 та гол урилди  23 23:00Эрон Про лигаси. "Персеполис" ва "Фулад" ўртасидаги ўйинда ғолиб номи аниқланмади  3 22:13"Эвертон" Жек Грилиш бўйича қарор қабул қилди  1 21:26Ла Лига. "Реал Мадрид" қийин ўйинда "Реал Сосьедад"ни мағлуб этди, мадридликлар 32-дақиқада ўн киши бўлиб қолишди  52 21:06Суперлига. Бир киши кам бўлиб қолган "Пахтакор" "Нефтчи"ни мағлуб этди  227 20:00"Қўқон-1912" "Қизилқум"нинг мағлубиятсиз сериясига чек қўйди  12 19:17АПЛ. "Арсенал" ўз уйида "Ноттингем Форест"ни йирик ҳисобда таслим этди, Субимендидан дубль!  21

Аброр Пирриев: "Карантиндан кейин биринчи расмий ўйингача барча жамоаларга икки ҳафталик йиғин керак бўлади" Янгиликлар

Аброр Пирриев: "Карантиндан кейин биринчи расмий ўйингача барча жамоаларга икки ҳафталик йиғин керак бўлади"

Ҳамма қатори "Локомотив" футболчилари ҳам карантинни ўз уйларида, оила даврасида ўтказишяпти.

Асосий жамоа шифокори Аброр Пирриев билан боғланиб, футболчилар ҳолати билан қизиқдик, қолаверса шу кунларда энг кўп муҳокама қилинаётган саволга жавоб олдик. 


- Карантин пайтида футболчилар ҳолатидан хабар олиб турибсизми? Уларнинг соғлиғи яхшими? 

- Албатта, онлайн режимда ҳар бир футболчининг аҳволидан хабардор бўляпмиз. Ҳозирги кунда ЎФА ва клублар мутасаддилари, мураббий ва шифокорлар - барчамиз футболчилар билан алоқадамиз. Жамоамиз ўйинчилари орасида саломатлиги хавотирга соладиган аломатлар йўқ. Ҳамма мураббийлар штаби томонидан тузиб берган режа асосида ўз уйида индивидуал тарзда шуғулланяпти. 


- Тиббий нуқтаи назардан карантин тугаганидан кейин неча кун ўтиб расмий ўйинларни бошлаган маъқул деб ўйлайсиз? Негаки бу савол ҳозирда кўпчиликни қизиқтиряпти. 

- Бу масалага бироз жиддий ёндошув керак. Чунки ҳар бир футболчи уйда ҳар қанча мустақил шуғулланмасин, мураббийлар назоратидаги жисмоний юкламалар билан, унутилаёзган ўйин амалиёти қирраларини мужассамлаштирувчи, футбол майдонида олиб бориладиган машғулотга баробар бўлма олмайди. 

Шунинг учун мавсум муддати шароитидан келиб чиқиб то биринчи расмий баҳсга қадар жамоалар икки ҳафталик ўқув-машғулот йиғини ўтказишлари зарур деб ҳисоблайман. Нима учун? Чунки жиддий юкламаларга тайёр бўлмаган мушаклар жароҳат олишга мойил бўлиб қолади ва кутилаётган тиғиз мавсумга ҳали тайёр бўлмаган футболчи бунинг оқибатида жароҳатлар гирдобига тушиб қолиши мумкин. 

Жароҳатга йўлиқадиган футболчилар орасида миллий терма жамоа аъзолари ҳам бўлиши мумкинлигини инобатга олиб, бу масалада шошма-шошарлик қилмасдан обдон ўйлаб кейин қарор чиқарган маъқул деб ўйлайман. 

   

- Шу ўринда уйда қолаётганларга тилакларингиз? 

- Карантин даврини кўчага чиқмасдан уйда ўтказаётганларга ўзлари ва оиласи соғлиғи ҳақида қайғуриб бундан кейин ҳам уйда қолишларини тилаб қоламан. Чунки ҳозирги пайтда бу жуда муҳим. Футболчиларимизга ҳам аввало уйда қолишни, мураббийлар томонидан берилган режа асосидаги машғулотларни уй шароитида қунт билан бажаришларини, вазнни назорат қилиб боришни ҳамда кўпроқ китоб мутолаа қилишларини тилаб қоламан.

Рейтинг: +1   

Фикрлар

championat.asia
< сўнгги янгиликларни кўриш
Яндекс.Метрика