Абрамов Ўзбекистон Суперкубогида Қосимовга ютқазганини эслай олмади

- Абрамов & Қосимов қарама-қаршилигида ҳозирча 6 ғалаба Қосимов томонида, сиз эса фақат бир бор ғалаба қозонгансиз. Бунга қандай муносабат билдирасиз?

- Демак Қосимовни табриклаш керак. Яқинда рекорд қўяди. Бу статистикани қаердан олишларини билмайман. Майли, шундай бўлақолсин. Ҳеч қандай муаммо йўқ. Билишимча, статистикани катта қисми мен "Нефтчи"ни бошқарган пайтимга тўғри келади. Ўшанда адашмасам кубок ва чемпионатда ўйнагандик. Деярли 3 ғалаба бўлди. Жорий йил Лига Кубогида ўйнадик, яна бир ғалаба. Ва чемпионатда. Шунда 5-1 бўляптими? Бунга қадар ҳеч бошқа ўйнамаган эканмизда? Балки эсларидан чиқиб қолгандир. 

- Ўзбекистон Суперкубогида ҳам тўқнаш келгансизлар ва Қосимов ютган...

- Эслолмаяпман. "Локомотив" мени бошқарувимда Суперкубокда ўйнаганми? Хотирам янглишмаётган бўлса, мен "Пахтакор" билан Суперкубокда ўйнаганман. Яна қандайдир ўйин бўлгандир балки, мен билмадим.

P.S. Вадим Абрамов "Локомотив" бошқарувида 2014 йилги мавсум аввалида "Бунёдкор" билан Суперкубокда тўқнаш келган ва ўшанда Қосимов бошчилигидаги "қалдирғочлар" "темирйўлчилар"ни мағлуб этганди.

Қосимов ва Абрамов қарама-қаршилигида мазкур мутахассислар жами 7 маротаба тўқнаш келишган ва унда 6 ғалаба Қосимовга тегишли бўлса, бир ютуқни Абрамов қўлга киритган.

Миржалол Қосимов "Бунёдкор" рулида Абрамов бошқарувидаги "Локо"ни, кейинчалик икки бор "Нефтчи"ни мағлуб этган. Жорий мавсумда эса АГМК бошқарувида Абрамов бошчилик қилаётган "Бунёдкор"ни ҳар учала мусобақа - Суперлига, Лига Кубоги ва Ўзбекистон кубогида доғда қолдирди. Вадим Абрамов эса Миржалол Қосимовни биринчи даврада "Бунёдкор" билан АГМКни Олмалиқда ўтган баҳсда мағлуб этганди.