Абдусамад Дўрмонов: "Шошилмайлик, олдинда ҳали иккита ўйин бор"

- Абдусамад ака, бугунги ўйин ҳақида фикрларингиз...
- Жуда оғир ўйин ўтказдик. Менимча йигитлар ўтган ўйиндан сўнг жисмоний жиҳатдан тикланишга улгуришмади. Биринчи бўлимда кўп самарасиз вазиятлар бўлди, бу борада йигитларга кўп тушунтирмоқдамиз. Танаффусда бу борада кўрсатмалар бердик, футболда асосийси бу муваффақиятли узатмалар ҳисобланади. Яхши узатма бўлса, тўп вақтида етказиб берилса, жамоанинг ўйини яхши чиқаверади. Тушунаман, натижа учун ўйнадик, муҳими ғалаба қозондик, йигитларга раҳмат.

- Жамоа 2-3 кун ичида яна ўйин ўтказади. Шу вақт ичида йигитлар тикланишга улгурадими?
- Айни шу масалани айтиб ўтаяпмиз. Асосийси футболчиларнинг тикланиши. Олдимизда иккита ўйин бор, мавсумни яхши даражада тугатиш учун ҳаракат қиламиз.

- "Нефтчи" Суперлигага чиқадиган бўлса, таркибга янги футболчилар жалб этилиши мумкинми?
- Шошилмайлик, ҳали вақт бор. Олдимизда иккита ўйин турибди.

- Айтайлик, бошқа жамоалардан таркибга жалб этиш учун кўз остингизга олиб юрган футболчилар борми?
- Селекция доим бўлади, мос футболчиларни кузатиб юрамиз албатта. Аввал мавсумни тугатиб олайлик, олдимиздаги вазифани бажарайлик, шундан сўнг янги мавсум ҳақида ўйлашни бошлаймиз.

Бекзод Толибов ёзиб олди