Абдулазизхон Абдурашидов: "Бунёдкор" билан ўйинда "Турон"нинг ғалабасиз сериясига барҳам бера оламиз"

Ушбу учрашувдан сўнг жамоанинг ёш футболчиларидан бири Абдулазизхон Абдурашидов фикрларини билдириб ўтди.

"Тўғри, Суперлигадаги ҳолатимизни яхши, деб бўлмайди. Лекин вазиятни ўнглашга интилмоқдамиз. Танаффусда камчиликлар, ўйинимиздаги хатолар устида ишлаш жараёни кетмоқда. Биринчи давранинг қолган тўртта ўйинида натижаларимиз яхши бўлади, деган умиддаман. 

Ҳозиргача иккита ўртоқлик учрашувида майдонга тушдик. Жамоамизнинг тактикасида ўзгариш бўляпти. Буёғига икки ҳужумчи билан ўйнашга ҳаракат қиламиз. Мазкур ўзгариш бўлажак учрашувларда самара беришига аминман. 

Ғалабасиз серия қачон тугайди?  "Бунёдкор" билан ўйинда бор кучимиз билан тўп тепамиз. Ушбу учрашувда ютуқни ўзимизники қилиб, жамоанинг ғалабасиз сериясига барҳам бера оламиз. Биринчи давранинг сўнгги тўртта ўйинида фақат ғалаба учун майдонга тушамиз", - дейди Абдулазизхон Абдурашидов.

Абдулазиз Искандаров ёзиб олди