А Серия йўлланмаси учун ўйин — мухлислар рақиб мураббийи қизига таҳдид қилиб, ютқазиб беришни сўрашмоқда
10 май 2021 10:45
Янгиликлар

А Серия йўлланмаси учун ўйин — мухлислар рақиб мураббийи қизига таҳдид қилиб, ютқазиб беришни сўрашмоқда

Италияда ғолиблик учун кураш майдондан ташқарида ҳам бўлиши ҳеч кимга сир эмас.

Италия чемпионати "Б" Сериясида кураш ҳал қилувчи палласига кириб улгурган.

Бугун, душанба, 10 май куни 38-тур доирасида "Салернитана" сафарда "Пескара" билан тўп тепади. Агарда "Салернитана" ғалаба қозонса – А Серияга чиқади. "Пескара" эса янада қуйироқ лигага, С Серияга йўл олиши аниқ бўлиб улгурган.

Бир қарашда чемпионатнинг якуний қисмидаги одатий ҳол, интрига ва навбатдаги учрашув. Аммо ўйиндан аввал ақлбовар қилмас ишлар юз бермоқда.

"Пескара" устози Жанлукка Грассадония – Салернодан. "Салернитана" футбол клуби тарбияланувчиси, асосий жамоа сафида юзга яқин ўйинда майдонга тушган. Унинг оиласи Салернода истиқомат қилади. Куни-кеча эса мураббийнинг 18 ёшли қизига "Салернитана" мухлислари ҳужум қилишди.

Италиянинг "La Gazzetta dello Sport" нашри хабарига таянадиган бўлсак, барчаси қуйидагича бўлган – беш кун давомида қизга тахдид қилиб келишган ва кейин ҳаракатга ўтишган. Жанлука Грассадониянинг турмуш ўртоғи оила аъзолари шокда эканлигини ва улар бошқа шаҳарга кўчишларини маълум қилди.

Грассадониядан бўлажак баҳсда ютқазиб беришни талаб қилишмоқда. А Серия йўлланмаси тақдирини майдон ташқарисида ҳал қилиш қанчалик тўғри? Инсон ҳаётига тахдид-чи? Назаримизда, қуйи лигага тушиб кетиши аниқ бўлиб улгурган "Пескара" учун чинакам мотивация пайдо бўлгандек.

Пескара

Серия B . 38-тур

10/05/2021, 18:00

Тугади

Салернитана

Андре Андерсон - 67', Тьяго Касасола - 72', Дженнаро Тутино - 81'

Стадион: Stadio Adriatico Giovanni Cornacchia, 0 томошабин

45'

90'