UZ

Сўнгги янгиликлар

01:45ЖЧ-2026 саралаши. Германия мағлуб бўлди, Нидерландия дуранг ўйнади ва бошқа натижалар билан танишинг  2 01:20Валерий Карпин: "Иорданиядан бунақасини кутмагандик"  3 00:51Родри: "Бу жароҳат менинг фаолиятимни узайтирди"  0 00:33Даниэль Леви 24 йилдан сўнг "Тоттенхэм"дан кетди  0 00:03Ўртоқлик учрашуви. Россия - Иордания ўйинида голлар урилмади  2 23:51Фаррух Сайфиев Расул Чориевнинг ҳолидан хабар олди  6 23:31Ўртоқлик учрашуви. Саудия Арабистони Шимолий Македония термасини мағлуб қилди  0 23:09Ўзбекистон терма жамоаси Қирғизистонга қарши ўйин олдидан машғулот ўтказди ГАЛЕРЕЯ  4 22:51Эрон "CAFA Nations Cup-2025" финалига йўлланма олди  7 22:15Килиан Мбаппе: "Бизга дам керак"  5 21:51Трентнинг "Реал"га ўтганига бўлган муносабат Майкл Оуэнга ёқмади  1 21:25Элдор Шомуродов: "Ниятимиз финалга чиқиб, чемпион бўлиш"  14 20:59ЖЧ-2026 саралаши. Қозоғистон ўз майдонида Уэльсга имкониятни бой берди  14 20:40"Насаф" назорат ўйинида "Шўртан"га икки марта ютқазди  2 20:20МЮ "Атлетико" футболчисини ижарага олмоқчи бўлган, аммо рад жавобини олган  0

А ПРО-Лига. "Хоразм" сафарда "Ифтихор"га тўртта гол урди Янгиликлар

А ПРО-Лига. "Хоразм" сафарда "Ифтихор"га тўртта гол урди

А ПРО-Лига 14-турида "Ифтихор" жамоаси ўз майдонида "Хоразм"ни қабул қилди.

Учрашув меҳмон жамоа вакилларининг фаол ўйини билан бошланди. Дастлабки дақиқаларданоқ ҳужумга отланган "Хоразм" жамоаси вакилллари тезкор гол киритишнинг уддасидан чиқдилар. Бу вазиятда Мирас Карлибаев бошлаб берган ҳужумни Сарварбек Жуманиёзов ажойиб зарба билан "Ифтихор" дарвозасига жойлаб қўйди - 0:1.
Ўтказиб юборилган голдан сўнг майдон эгалари ҳам ҳужумкорликни оширдилар, бироқ кўпгина вазиятларда мезбон футболчилар томонидан йўлланган зарбаларни "Хоразм"нинг тажрибали посбони Ғайрат Ўдаев бартараф этишга эришди.

Биринчи бўлим сўнгига қадар ҳар икки жамоа вакилларида ҳисобни ўзгартириш учун имкониятлар юзага келган бўлсада, дарвозаларга бошқа гол урилмади.

Учрашувнинг иккинчи бўлимини ҳар икки жамоа вакиллари фаол бошладилар. "Ифтихор" жамоаси вакиллари ҳисобни тенглаштириш учун қилган астойдил ҳаракатлари самара келтирмади. Аксинча 64-дақиқада "Хоразм" футболчиси Мухаммадқодир Раҳимберганов мезбонлар дарвозасига гол киритиб, ҳисобни 0:2 кўринишига келтириб қўйди. Орадан 3 дақиқа ўтиб меҳмонлар футболчиси Сарварбек Жуманиёзов ўзининг ўйиндаги иккинчи, жамоасининг учинчи голини киритди - 0:3. Учрашувнинг 75-дақиқасида заҳирадан ўйинга қўшилган "Хоразм" футболчиси Мирзобек Қурёзов мезбонлар дарвозасига 4-голни киритди, ҳисоб - 0:4.

Ниҳоят 83-дақиқада "Ифтихор" жамоаси вакиллари меҳмонлар дарвозасига гол киритишди, гол муаллифи Бобуржон Саттаров бўлди - 1:4.

Учрашув шу тариқа "Хоразм" жамоасининг йирик ҳисобдаги ғалабаси билан якунланди.

А ПРО-Лига. 14-тур
"Ифтихор" - "Хоразм" 1:4 (0:1)
Ҳакамлар:
А. Худойберганов, О. Қосимов, Х. Баҳодиров
Назоратчи: А. Клепиков
Комиссар: А. Карабаев
Голлар: Сарварбек Жуманиёзов, 8 (0:1), Мухаммадқодир Раҳимберганов, 64 (0:2), Сарварбек Жуманиёзов, 67 (0:3), Мирзобек Қурёзов, 75 (0:4), Бобуржон Саттаров, 83 (1:4)
"Ифтихор": 1. Жасурбек Абдуллаев, 3. Жавоҳир Аъзамов, 6. Асадбек Маъмуров, 9. Бобуржон Саттаров, 10. Дилмуҳаммад Худойбердиев, 17. Нурулло Мирзажонов, 19. Юрсинали Топволдиев, 20. Мирзоҳид Эгамбердиев, 25. Шохрух Юлдашев, 77.Улуғбек Исмоилжонов, 90. Ғиёсжон Турсунов
Захира: 13. Абдувоҳид Шарипов, 14. Бекзод Алиев, 18. Жасурбек Ғаниев, 21. Асадбек Йўлдошев
"Хоразм": 35. Ғайратжон Ўдаев, 2. Жасурбек Атаджанов, 4. Тимур Бекчанов, 7. Темур Исмаилов, 10. Сирож Рўзметов, 11. Темур Машарипов, 13. Сарварбек Жуманиёзов, 14. Миржалол Қурбонов, 15. Дадахон Юсупов, 16. Рафиқбек Каримов, 29. Мирас Карлибаев.
Захира: 1. Элдорбек Шуҳратбеков, 3. Равшанбек Султонов, 9. Хабибулла Матёқубов, 17. Фаррух Хайдаров, 22. Мухаммадқодир Раҳимберганов, 38. Мирзобек Қурёзов, 44. Мақсудбек Каримов, 77. Турсунмурод Хамдамов

Бекзод Толибов тайёрлади



Рейтинг: +7   

Фикрлар

championat.asia
< сўнгги янгиликларни кўриш
Яндекс.Метрика