Даврон Файзиев: "Ҳаёт тўхтаб қолмайди"

"Нефтчи" жамоасини ҳаққоний ғалаба билан табриклайман. Рақиб жуда ҳам яхши тайёргарлик кўрганини билардим. Учрашувдан олдинги превьюларни ўқидим, охирги икки йилда "Сўғдиёна" "Нефтчи"ни мағлуб этиб, дуранг ўйнаб келаётганди. Бироқ ўтган йилги таркибни сақлаб қола олмадик. Ҳаёт тўхтаб қолмайди. Сўнгги пайтларда жамоамиз ҳақида кўп гап сўзлар тарқалмоқда. "Нефтчи"ни табриклайман", - дейди Даврон Файзиев.

"Мавсум бошидан буён жамоамдан шижоат талаб қилаяпман. Лекин биз деярли нолдан жамоа туздик. Ўтган йилги таркибдан фақат 2 киши қолган. Олдин ҳам айтгандим, Жиззахдаги янги стадионда тезроқ ўйин ўтказишни истаймиз. Агар учрашув бошида тезкор голлар ўтказиб юбормаганимизда ҳисоб йирик кўриниш олмаслиги мумкин эди".

"Бугун биз ҳимоядан ўйнадик. Лекин режамиз амалга ошмади. Иккита йўқотиш бор эди, Илҳом Комилов ва Муқим Тошматов жароҳат туфайли майдонга туша олишмади".