Анчелотти Бэйлнинг "Реал"даги келажаги ҳақида: "Агар мотивация бўлса, у ажойиб мавсум ўтказади"
03 июн 2021 14:38
Янгиликлар

Анчелотти Бэйлнинг "Реал"даги келажаги ҳақида: "Агар мотивация бўлса, у ажойиб мавсум ўтказади"

"Реал" янги бош мураббийи Карло Анчелотти "Тоттенхэм"да ижара асосида ўйнаган ярим ҳимоячи Гарет Бэйлнинг келажаги ҳақида гапирди.

"У АПЛда кўп ўйнамади, аммо кўп гол урди (20та ўйинда 11та гол). У сўнгги ўйинларда анча самарали бўлди ва барқарорликка эришди.

Мен уни яхши биламан (Анчелотти Бэйл билан 2013-2015 йилларда "Реал"да ишлаган). Агар унда мотивация бўлса, у ажойиб мавсум ўтказиши мумкин - мен бунга шубҳа қилмайман", - дейди Анчелотти.

Анчелотти "Реал"га келгунига қадар берилган хабарларга кўра, Мадрид клуби Бэйлни сотмоқчи. Унинг Мадрид гранди билан тузган шартномаси 2022 йилнинг 30 июнига қадар мўлжалланган.

Ҳавола :

Манба : As

Янгиликларни Телеграмда ўқинг!

Рейтинг: +5